காஞ்சிபுரம் பெருமாள் கோவில் மதில் சுவர் ரூ.19 லட்சம் மதிப்பில் சீரமைப்பு

காஞ்சிபுரம்: காஞ்சிபுரம் வரதராஜப்பெருமாள் கோவில் வடக்கு மாடவீதி மதில் சுவர், 19 லட்சம் ரூபாய் மதிப்பில் சீரமைக்கும் பணி நடைபெறுகிறது. காஞ்சிபுரத்தில் பழமை வாய்ந்த கோவில்களில் ஒன்றாக விளங்கி வரும் வரதராஜப்பெருமாள் கோவில், பல்லவர், சோழர், விஜயநகர மன்னர்கள் காலத்தில் கட்டப்­பட்டது. இதன் சுற்று சுவரை விஜயநகர மன்னர் காலத்தில் கட்டியுள்­ளனர். கடந்த ஒரு ஆண்டுக்கு முன் தெற்கு மதில் சுவரின் ஒரு பகுதி, மழை யால் பாதிப்­படைந்து, கல் சரிந்து விழுந்து விட்டது. அதை தொடர்ந்து, நான்கு புறத்திலும் சுற்றுச்சுவரை சீரமைக்க, 36 லட்சம்ரூபாய் ஒதுக்கப்­பட்டது. தெற்கு மதில் சுவர் பணி முடிந்து விட்டது. கிழக்கு மற்றும் வடக்கு மதில் சுவர் சீரமைக்க, 19 லட்சம் ரூபாய் செலவில் பணி நடக்கிறது. மதில் சுவர் மேல் பகுதியில் விரிசல் ஏற்­பட்டுள்­ளதால் அதில் மழை நீர் மற்றும் மரங்கள் முளைத்து, மேலும் சேதம் ஏற்­படாமல் பாதுகாக்கும் வகையில், பழமை மாறாமல் சுண்ணாம்பு, கருப்புக்கட்டி, கடுக்காய் சேர்த்து, மேல் பகுதியை சீரமைக்கும் பணி நடந்து வருகிறது. இந்த ஆண்டு இறுதிக்குள் இந்த பணி முடிந்து விடும் என, கோவில் அதிகாரி ஒருவர் தெரிவித்தார்.