சித்தலூர் அம்மன் கோவிலில் மாசித் திருவிழா துவக்கம்

தியாகதுருகம்: சித்தலுார் பெரியநாயகி அம்மன் கோவில் மாசித்திருவிழா துவங்கியது. தியாகதுருகம் அடுத்த சித்தலுார் மணிமுக்தா ஆற்றின் கரையில் அமைந்துள்ள பெரியநாயகி அம்மன் கோவில் மாசித் திருவிழா சிவராத்திரி தினத்தில், துவங்கியது. முன்னதாக மூலவருக்கு சிறப்பு அபிஷேக ஆராதனை மற்றும் கருவறையில் உள்ள புற்றுக்கு மலர் அலங்காரம் செய்யப்பட்டது. மணிமுக்தா ஆற்றில் இருந்து சக்தி அழைத்து சிறப்பு பூஜைகள் செய்யப்பட்டது. தொடர்ந்து காப்பு கட்டி, பலிபீடம் அருகில் உள்ள மரத்தில் கொடியேற்றி திருவிழா துவங்கியது. வரும் மார்ச் 4 ம்தேதி மயானகொள்ளையும், அடுத்த நாள் 5ம் தேதி தேரோட்டமும் நடக்கிறது.