நட்டாற்றீஸ்வரர் கோவிலில் இன்று தமிழ் புத்தாண்டு வழிபாடு துவக்கம்

மொடக்குறிச்சி: நட்டாற்றீஸ்வரர் கோவிலில் தமிழ் புத்தாண்டு  பிறப்பு சிறப்பு வழிபாடு நிகழ்ச்சி இன்று துவங்குகிறது.மொடக்குறிச்சி தாலுகா, காங்கேயம்பாளையத்தில் உள்ள
நட்டாற்றீஸ்வரர் கோவிலில் ஆண்டுதோறும், சித்திரை முதல் தேதி, விழா கொண்டாடப்படுகிறது. இந்தாண்டு விழா இன்று (11ல்) காலை, 10:30 மணிக்கு தொடங்குகிறது. முருகனுக்கு சக்தியாயுதார்ச்சனை சகித லட்சார்ச்சனை நடக்கிறது. மாலையில் மீண்டும் லட்சார்ச்சனை துவங்கி நடைபெறுகிறது. நாளையும் (12ல்) காலை, மாலை லட்சார்ச்சனை நடக்கிறது. 13ல் மாலை, 3:00 மணிக்கு, 108 சங்காபிஷேகம், ருத்ர பாராயணம், சாந்தாபிஷேகம் நடக்கிறது. தமிழ் புத்தாண்டு நாளான, 14ல், அதிகாலை, 3:30 மணிக்கு, 108 சங்குஸ்நபனம், ருத்ர பாராயண  ஹோமம் நடக்கிறது. காலை, 6:00 மணிக்கு மேல், 108 சங்காபிஷேகம் நடக்கிறது. சித்திரை மாத பிறப்பு தினத்தில், இக்கோவிலில் தரிசனம் செய்தால் பிரம்மஹத்தி தோஷம் நீங்கும் என்பது ஐதீகம். பிரம்மஹத்தி தோஷம் நீங்க, மணலால் சிவலிங்கம் பிடித்து, அகத்தியர் தியானம் செய்த இடமாக, இக்கோவில் கருதப்படுகிறது.