திருத்தணி மகிஷாசுரமர்த்தினி அம்மனுக்கு சிறப்பு பூஜை

திருத்தணி மகிஷாசுரமர்த்தினி அம்மன் கோவிலில், நேற்று, பாலாபிஷேகம் மற்றும் சிறப்பு பூஜைகள் நடந்தன.திருத்தணி, முருகன் கோவிலின் உபகோவிலான மத்தூர் கிராமத்தில் உள்ள மகிஷாசுரமர்த்தினி அம்மன் கோவிலில், நேற்று காலை, 8:00 மணிக்கு மூலவருக்கு, 108 லிட்டர் பாலாபிஷேகம் நடந்தது. தொடர்ந்து, வண்ண மலர் அலங்காரம் மற்றும் தீபாராதனை நடந்தது.மதியம், 12:00 மணிக்கு, உச்சிகால பூஜையும், மாலை, 3:00 மணி முதல், 4:30 வரை, ராகுகால பூஜை நடந்தது. காலை முதல், மாலை வரை திரளான பெண்கள் கோவில் வளாகத்தில் பொங்கல் வைத்து அம்மனுக்கு படைத்து வழிபட்டனர்.மாலை, 6:00 மணிக்கு மூலவர் அம்மனுக்கு வண்ணமலர் அலங்காரம் செய்யப்பட்டு சிறப்பு தீபாராதனை நடத்தப்பட்டது. நிகழ்ச்சியில், திருத்தணி தாலுகாவில் இருந்து திரளான பக்தர்கள் கலந்து கொண்டு வழிபட்டனர்.