பழநி பெரியாவுடையார் கோயிலில் பிரதோஷ வழிபாடு

பழநி: பழநியிலுள்ள சிவன்கோயில்களில் பிரதோஷத்தை யொட்டி சிறப்பு அபிஷேகம், பூஜைகள் நடந்தது. பழநி பெரியாவுடையார் கோயிலில், பிரதோஷத்தையொட்டி நந்திபகவான், மூலவருக்கும் அபிஷேகம், அலங்காரம் நடந்தது. சிவன் பார்வதி ரிஷபவாகனத்தில் உட்பிரகாரத்தில் வலம்வந்தனர். இடும்பன் கோயிலில் சிவகிரிநாதர், உமாமகேஸ்வரியம்மனுக்கு அபிஷேகம், அலங்காரத்தில், திருவுலா நடந்தது. மலைக்கோயில், பெரியநாயகியம்மன் கோயில், கைலாசநாதர், சன்னதிவீதி வேளீஸ்வரர்கோயில், அ.கலையம்புத்துார் கல்யாணியம்மன் சமேதகைலாசநாதர் கோயில், நேதாஜிநகர் காமாட்சியம்மன் ஏகாம்பரேஸ்வரர் கோயில், புதுநகர் சிவன்கோயில் உள்ளிட்ட இடங்களில் பிரதோஷ வழிபாடு நடந்தது.