தர்மபுரி விநாயகர் கோவில்களில் சிறப்பு பூஜை

தர்மபுரி: சங்கடஹர சதுர்த்தியை முன்னிட்டு, தர்மபுரி எஸ்.வி., ரோடு சாலை விநாயகர் கோவிலில் காலை, 6:00 மணிக்கு சிறப்பு அபி ?ஷம், பூஜை நடந்தது. 7:00 மணிக்கு, மூலவருக்கு வெள்ளி கவசம் சாத்தப்பட்டு, சிறப்பு அலங்காரம் செய்யப்பட்டது. விநாயகர் உற்சவர் ஊர்வலம் நடந்தது. எஸ்.வி., ரோடு, கடைவீதி, மகாத்மா காந்திசாலை, வெளிபேட்டை தெரு, சுண்ணாம்புகாரவீதி உள்ளிட்ட முக்கிய வீதிகளின் வழியாக ஊர்வலம் சென்று, மீண்டும் கோவிலை வந்தடைந்தது. இதேபோல், இலக்கியம்பட்டி சித்தி விநாயகர் கோவில், அன்னசாகரம் கோடி விநாயகர் கோவில், வெண்ணாம்பட்டி ரயில்வேகேட் குபேரகணபதி கோவில், அப்பாவுநகர் செல்வகணபதி கோவில், நெசவாளர்காலனி சக்தி விநாயகர் கோவில், காரிமங்கலம் ராஜகணபதி கோவில் உள்பட, மாவட்டத்தின் பல்வேறு கோவில்களில், சங்கடஹர சதுர்த்தி கொண்டாடப்பட்டது.