புதிய நீதி கட்சி தலைவர் ஏ.சி.சண்முகம்: நிர்மலா சீதாராமன், கடந்த 15 நாட்களுக்கு முன் தமிழகம் வந்தபோது, 'மெட்ரோ ரயில் திட்டத்திற்கு நாங்கள் ஏன் பணம் தரவேண்டும்; அது, தமிழக அரசு சுயநிதியில் செய்து கொள்வதாக ஒப்பந்தம் போடப்பட்டுள்ளது' என்றார். கடந்த வாரம், ஸ்டாலின் டில்லி சென்றார். பெரிய அய்யாவை பார்த்து கும்பிடு போட்டார்; 45 நிமிடம் பேசினார். இப்போது, 'மெட்ரோ ரயில் திட்டத்திற்கு மத்திய அரசு, 65 சதவீதம் நிதியைதரும்' என, நிர்மலா சீதாராமன் அறிக்கை விடுகிறார். பா.ஜ., - தி.மு.க., இடையே நேரடி உறவு உள்ளது. தி.மு.க., கூட்டணியில் உள்ள கட்சிகள் மெல்லவும் முடியாமல், துப்பவும் முடியாமல்விழித்துக் கொண்டிருக்கின்றன.டவுட் தனபாலு: தி.மு.க.,வை திட்டுற சாக்குல, உங்க கூட்டணி தலைமையான பா.ஜ.,வையும் வாரிட்டீங்களே... அதனால, தேசிய ஜனநாயக கூட்டணியில இனி உங்களுக்கு இடம் இருக்குமா என்பது, 'டவுட்'தான்!பத்திரிகை செய்தி: சென்னைமாநகராட்சியின் 144வது வார்டு தி.மு.க., செயலர் மற்றும் கவுன்சிலர் ஸ்டாலின், ஒப்பந்ததாரரிடம் 10 லட்சம் ரூபாய் கேட்டு மிரட்டியதாக போலீசார் வழக்கு பதிவு செய்துள்ளனர். இதை அடுத்து, ஸ்டாலினை கட்சியில் இருந்து தற்காலிகமாக நீக்கி, பொதுச்செயலர் துரைமுருகன் உத்தரவிட்டுள்ளார்.டவுட் தனபாலு: காதும் காதும்வச்ச மாதிரி காரியத்தை முடிக்காம,இந்த மாதிரி பகிரங்கமா மிரட்டல்லஈடுபடலாமா... அதுலயும் இவர், கட்சி தலைவரின் பெயரை வேற வச்சுக்கிட்டு இப்படி அடாவடிபண்ணி, தலைமைக்கும் சேர்த்துகெட்ட பெயரை ஏற்படுத்திட்டார் என்பதில், 'டவுட்'டே இல்லை!த.மா.கா., தலைவர் வாசன்:தமிழக அமைச்சரவையில் மாற்றம்இருந்தாலும், ஆட்சியாளர்களின் செயல்பாட்டில் மாற்றம் இருக்காது. மக்கள் நலனில் அக்கறை உள்ள அரசாக இருந்தால்,மதுக்கடைகளை உடனேமூடலாம். எப்படி இருந்தாலும் சட்டசபை தேர்தலுக்குள் மதுக்கடைகளை மூடக்கூடிய உறுதியான முடிவை எடுக்க வேண்டும்.டவுட் தனபாலு: மக்கள் நலனில்அக்கறை உள்ள அரசாக இருந்தால்,மதுக்கடைகளை மூடலாம்னு சொல்றீங்களே... பட்டுன்னு கடைகளை இழுத்து மூடிட்டா, குடிச்சே பழக்கப்பட்டவங்க நலன்களை யார் கவனிப்பதாம்... அவங்க நலன் கருதியே, மதுக்கடைகளை மூடுவதற்குஅரசு தயங்குது என்பது, 'டவுட்'டே இல்லாம தெரியுது!