உள்ளூர் செய்திகள்

ரெப்கோ வங்கியில் பட்டதாரி பயிற்சியாளர்கள்

இலங்கை மற்றும் பர்மாவிலிருந்து அகதிகளாக இந்தியாவிற்கு வந்த இந்தியர்களுக்கு மறுவாழ்வு தரும் நோக்கத்தில் ரெப்கோ வங்கியை 1969ல் இந்திய அரசு நிறுவியது. ஆனால் இந்த வங்கியின் திட்டங்கள் அனைவருக்கும் பொதுவாக இருந்தால்தான் வங்கியைத் துவங்கிய நோக்கம் நிறைவேறும் என்பதால் அதற்கு ஏற்றபடி இந்த வங்கி வடிவமைக்கப்பட்டது. இந்திய அரசின் உள்துறை அமைச்சகம் இந்த வங்கியை நிர்வகித்து வருகிறது. இந்த வங்கிக்கு நாடு முழுமையும் கிளைகள் உள்ளன. இந்த வங்கியில் சென்னையை மையமாகக் கொண்டு 20 கிராஜூவேட் அப்ரெண்டிஸ் டிரெய்னிக்களை பணி அமர்த்துவதற்கான அறிவிப்பு வந்துள்ளது.

தேவைகள்:

ரெப்கோ வங்கியின் கிராஜூவேட் அப்ரெண்டிஸ் டிரெய்னி பதவிக்கு விண்ணப்பிப்பவர்கள் 22 வயது முதல் 24 வயதுக்கு உட்பட்டவராக இருக்க வேண்டும். ப்ளஸ் 2 நேரடிப் படிப்பாகப் படித்து முடித்துவிட்டு கலை, அறிவியல், வணிகவியல், பொறியியல், நிர்வாகவியல் ஆகிய ஏதாவது ஒரு பிரிவில் பட்டப் படிப்பை குறைந்த பட்சம் 50 சதவீத மதிப்பெண்களுடன் முடித்திருக்க வேண்டும். எம்.பி.ஏ., மற்றும் கணக்கியல் படித்தவர்களுக்கு முன்னுரிமை உள்ளது. கம்ப்யூட்டர் தொடர்புடைய திறனும் கட்டாயம் தேவைப்படும். அதே போல் தென் இந்தியாவின் மொழிகளில் ஏதாவது ஒன்றில் திறன் பெற்றவராக இருக்க வேண்டும் என்று அறிவிக்கப்பட்டுள்ளது. எழுத்துத் தேர்வு மற்றும் நேர்காணலை எதிர் கொண்டு வெற்றி பெற வேண்டியிருக்கும்.

பிற விபரங்கள்:

ஸ்டைபண்டு அடிப்படையிலான இந்த பதவியில் இணைந்தால் முதல் வருடத்தில் மாதம் ரூ.5 ஆயிரமும், அதன் பின்னர் ரூ.6 ஆயிரமும் கிடைக்கும். ஏ4 அளவிலான பயோடேட்டாவுடன் கூடிய விண்ணப்பப் படிவத்தில் பாஸ்போர்ட் அளவிலான புகைப்படத்தை ஒட்டி அனுப்ப வேண்டும். பயோடேட்டா படிவத்தில் பெயர், தொடர்புக்கான முகவரி, பிறந்த தேதி, சார்ந்திருக்கும் பிரிவு (எஸ்.சி.,/எஸ்.டி.,/ஓ.பி.சி.,/ரிபேட்ரியேட், மற்ற பிரிவினர்), மதிப்பெண் விபரங்களுடன் கல்வித் தகுதி, விண்ணப்பிக்கும் பதவி போன்ற விபரங்கள் இருப்பதை உறுதி செய்யவும். முழுமையாகப் பூர்த்தி செய்த விண்ணப்பங்களைப் பின்வரும் முகவரிக்கு 31.08.2012க்குள் கிடைக்குமாறு அனுப்ப வேண்டும். முழு விபரங்களை இந்த வங்கியின் பின்வரும் இணையதளத்தைப் பார்த்து அறியவும்.

முகவரி:

The Deputy General Manager (PAD),Repco Bank Ltd., P.B.No.1449,Door No.33 North Usman Road,T.Nagar, Chennai 600017.

இணையதள முகவரி:


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்