4,000 மின்சார பஸ்கள் கர்நாடகா ஆர்வம் மின்சார பஸ்கள் அதிகரிக்கும்

பெங்களூரு : கர்நாடகாவில் மின்சார பஸ்களின் பயன்பாட்டை ஊக்குவிப்பதில் மாநில அரசு ஆர்வம் காட்டி வருகிறது.அந்த வகையில், புதிதாக 4,000 மின்சார பஸ்கள் வாங்குவதற்கு, நேற்று முன்தினம் அமைச்சரவையில் ஒப்புதல் அளிக்கப்பட்டதாக, சட்டம் மற்றும் சுற்றுலாத்துறை அமைச்சர் ஹெச்.கே.பாட்டீல் தெரிவித்துள்ளார்.இதன்படி, பி.எம்.டி.சி., - கே.எஸ்.ஆர்.டி.சி., - கே.கே.ஆர்.டி.சி., ஆகிய போக்குவரத்துக் கழகங்களின் பெயரில் உலக வங்கியிடம் இருந்து, 3,000 கோடி ரூபாய் குறைந்த வட்டியில் கடன் வாங்கப்பட உள்ளது.நாட்டில் சோதனை முயற்சிக்காக மின்சார பஸ்களை அறிமுகப்படுத்திய போக்குவரத்து நிறுவனங்களில் பி.எம்.டி.சி.,யும் ஒன்றாகும். தற்போது, பி.எம்.டி.சி.,யில் 1,027 மின்சார பஸ்கள் இயக்கப்படுகின்றன.