தமிழ்நாட்டில் MSMEகளை இ-காமர்ஸ் மூலம் மேம்படுத்துதல்: உள்ளடக்கிய வளர்ச்சியின் புதிய யுகம்

தமிழ்நாடு இந்தியாவின் தொழில்துறையில் முக்கிய தூணாக விளங்குகிறது, இங்கு சுமார் 50 லட்சம் குறு, சிறு மற்றும் நடுத்தர நிறுவனங்கள் (MSMEகள்) உள்ளன, இது நாட்டில் மூன்றாவது பெரிய MSME மையமாக விளங்குகிறது. காஞ்சிபுரம் பட்டு, நார் மெத்தைகள், ஸ்மார்ட் போன்கள் முதல் பாரம்பரிய இனிப்புகள் வரை, இந்த நிறுவனங்கள் பலதரப்பட்டவை. இவை மாநிலத்தின் பொருளாதாரத்தின் முதுகெலும்பாக மாறியுள்ளன.இந்த வணிகங்கள் மாநிலத்தில் விரிவடைந்து உள்ளூர் பொருளாதாரத்தை மேம்படுத்தி வருவதால், இ-காமர்ஸ் ஒரு மாற்றத்தை ஏற்படுத்தும் சக்தியாக உருவெடுத்து, பாரம்பரிய தடைகளை உடைத்து புதிய வளர்ச்சி வாய்ப்புகளை உருவாக்கியுள்ளது. மாநிலத்தின் முற்போக்கான கொள்கைகள் மற்றும் வலுவான உள்கட்டமைப்பு இந்த வளர்ச்சியை மேலும் ஊக்குவித்துள்ளன.கடந்த இரு தசாப்தங்களாக, டிஜிட்டல் வணிகம் ஒரு வலிமையான முறையாக உருவெடுத்து, வேலைவாய்ப்புகளை உருவாக்கி, தொழில்முனைவை ஆதரித்து, தேசிய மற்றும் உலகளாவிய சந்தைகளுக்கான வாய்ப்புகளை அதிகரித்துள்ளது. சென்னை முதல் கோயம்புத்தூர் வரை ஃபிளிப்கார்ட் போன்ற நிறுவனங்களின் தொடர்ச்சியான முதலீடுகள், மாநிலம் முழுவதும் விநியோகச் சங்கிலிகளை உருவாக்கி, பேக்கேஜிங் கூட்டாளிகள், போக்குவரத்து மற்றும் சேவை தருவோருக்கு செழிப்பான சுற்றுச்சூழல் அமைப்பை உருவாக்கியுள்ளன. இதன் விளைவாக, 11-க்கும் மேற்பட்ட ஃபிளிப்கார்ட் வசதிகள் மூலம் 1 லட்சத்திற்கும் மேற்பட்ட நேரடி மற்றும் மறைமுக வேலைவாய்ப்புகளை உருவாக்கியுள்ளது.மாநில அரசின் முயற்சிகளான எளிமையாக்கப்பட்ட தொழில்துறை ஒப்புதல்கள் மற்றும் மேம்படுத்தப்பட்ட கிடங்குகள், வணிக செயல்பாட்டை எளிதாக்கி, தமிழ்நாட்டை இ-காமர்ஸ் முதலீட்டிற்கு விருப்பமான இடமாக மாற்றியுள்ளன. இ-காமர்ஸ், நகர்ப்புற மற்றும் கிராமப்புறங்களில் ஒரு வலுவான வேலைவாய்ப்பு என நிரூபிக்கப்பட்டுள்ளது. இது சில்லறை விற்பனை, தளவாடங்கள், கிடங்கு, வாடிக்கையாளர் சேவை, தகவல் தொழில்நுட்பம் மற்றும் சந்தைப்படுத்தல் போன்ற பலதரப்பட்ட துறைகளை ஆதரிக்கிறது. டீம்லீஸ் அறிக்கையின்படி, விரைவான வணிகம் மட்டும் சுமார் 3.25 லட்சம் தனிநபர்களை விநியோகம் மற்றும் கிடங்குகளில் பயன்படுத்துகிறது. இந்த எண்ணிக்கை அடுத்த ஆண்டு 5-5.5 லட்சமாக உயரும் என எதிர்பார்க்கப்படுகிறது. குறிப்பாக, இவை பெரும்பாலும் அடிப்படை டிஜிட்டல் மற்றும் விநியோக திறன்களுக்கு மட்டுமே தேவைப்படும் ஆரம்ப பணிகளாகும், இவை நகர்ப்புற மற்றும் கிராமப்புற இளைஞர்களுக்கு ஏற்றவை. தமிழ்நாடு, வளர்ந்து வரும் பொருளாதாரத்தின் மூலம் இந்த நன்மைகளை அறுவடை செய்து, வருமான வாய்ப்புகளை வழங்குகிறது. இந்த வேலைகள், குறிப்பாக பெண்கள் மற்றும் இளைஞர்களுக்கு, தங்கள் சமூகங்களில் வேரூன்றியிருக்கும் போது குடும்ப வருமானத்திற்கு பங்களிக்க உதவுகின்றன.

MSMEகள் டிஜிட்டலாக மாறுதல்: தடைகளை உடைத்தல்:

தமிழ்நாட்டின் MSMEகளுக்கு, இ-காமர்ஸ் மூலதனம், சந்தைப்படுத்துதல் மற்றும் விநியோக வலையமைப்புகளின் நீண்டகால சவால்களை தாண்டுவதற்கு ஒரு ஊக்குவிப்பாக அமைந்துள்ளது. டிஜிட்டல் தளங்கள் மூலம், சிறு வணிகங்கள் இப்போது தங்கள் பொருட்களை நேரடியாக நாடு முழுவதும் உள்ள வாடிக்கையாளர்களுக்கு காட்சிப்படுத்தி, இடைத்தரகர்களைத் தவிர்த்து, சிறந்த விலையைப் பெறுகின்றன.ஃபிளிப்கார்ட் இந்த மாற்றத்தில் முக்கிய பங்கு வகித்துள்ளது. அதன் பரந்த அணுகக் கூடிய, கட்டமைப்புடன் இணைந்து, தமிழ்நாட்டைச் சேர்ந்த ஆயிரக்கணக்கான MSMEகளை டிஜிட்டல் பொருளாதாரத்திற்கு இழுத்துள்ளது. திருப்பூரில் உள்ள ஜவுளி யூனிட்கள் முதல் பொள்ளாச்சியில் உள்ள கயிறு உற்பத்தியாளர்கள் மற்றும் மதுரையில் உள்ள உணவு பதப்படுத்துதல் நிறுவனங்கள் வரை, டிஜிட்டல் வழிகளை ஏற்றுக்கொள்வது இந்த வணிகங்களை திறமையாக வளர்ச்சியடையச் செய்கிறது.கோயம்புத்தூரைச் சேர்ந்த வங்கியாளராக இருந்து தொழில்முனைவோராக மாறிய பி.கார்த்திக் கூறும்போது , தமிழகத்தைச் சேர்ந்தவர்களுக்கு ஃபிளிப்கார்ட் தனது பொருட்களை நாட்டின் வடக்கு மற்றும் கிழக்கு பகுதிகளுக்கு எடுத்துச் செல்ல உதவியதாக கூறுகிறார். “எங்கள் பொருட்கள் அங்கு மிகவும் நன்றாக விற்பனையாகின்றன, நாங்கள் எங்கள் விற்பனையை இரட்டிப்பாக்கியுள்ளோம்,” என்றும் அவர் கூறுகிறார். அவரது ஃபிளிப்கார்ட் ஆன்லைன் கடையான The Natural India, தேன், மசாலாப் பொருட்கள் மற்றும் வால்நட், திராட்சை போன்ற உயர்தர உலர் பழங்களை சுகாதாராத்திற்கு முக்கியத்துவம் கொடுக்கும் வாடிக்கையாளர்களுக்கு விற்பனை செய்கிறது.பல பெண்களும் வேலை தருவோராக மாறி, செழிப்பான வணிகங்களை உருவாக்கி வருகின்றனர். 10 லட்சத்திற்கும் மேற்பட்ட யூனிட்களுடன், தமிழ்நாடு இந்தியாவில் மிக அதிக எண்ணிக்கையிலான பெண் தொழில் முனைவோர்களைக் கொண்ட மாநிலமாக உள்ளது, இது பொருளாதார மேம்பாடு மற்றும் நிதி உள்ளடக்கத்திற்கு ஒரு வலுவான கட்டமைப்பாக அமைகிறது.

உள்ளடக்கிய மற்றும் திறன் மேம்பாடு

ஃபிளிப்கார்ட், சமர்த் கிருஷி திட்டத்தின் கீழ், தமிழ்நாடு சிறு வேளாண் கூட்டமைப்புடன் இணைந்து, தர்மபுரி, ஈரோடு, சேலம், திருப்பூர், அரியலூர் மற்றும் கோவை மாவட்டங்களைச் சேர்ந்த விவசாயி உற்பத்தியாளர் அமைப்புகளுக்கு (FPOகள்) இ-காமர்ஸ், தரநிலைகள் மற்றும் கொள்முதல் மாதிரிகள் குறித்து பயிற்சி அளித்துள்ளது. இது சிறு விவசாயிகள் மற்றும் கிராமப்புற தொழில் முனைவோர் தேசிய விநியோகச் சங்கிலிகளை அணுக உதவுகின்றன.

சந்தைப்படுத்தல் மற்றும் தொழில் முனைவோருடன் இணைப்பு

தமிழ்நாடு கிராமப்புற இன்குபேட்டர் மற்றும் ஸ்டார்ட்அப் (TN-RISE) உடன் இணைந்து, ஃபிளிப்கார்ட் டிஜிட்டல் கல்வியறிவை ஊக்குவிக்கவும், கிராமப்புற பெண் தொழில் முனைவோரை அதன் தளத்தில் இணைக்கவும் பயிலரங்குகளை நடத்தியுள்ளது. இந்த ஒத்துழைப்பு திறன் மேம்பாடு மற்றும் உள்ளடக்கிய தொழில் துவங்கும் சூழலை வளர்க்கிறது. இந்த ஒத்துழைப்பின் மூலம், TN-RISEன் கீழ் தமிழ்நாடு முழுவதும் உள்ள பெண் தொழில் முனைவோருக்கு சந்தை அணுகல் மற்றும் இணைப்புகளை ஃபிளிப்கார்ட் உருவாக்கியுள்ளது. ஃபிளிப்கார்ட், TN-RISE உடன் ஒரு புரிந்துணர்வு ஒப்பந்தத்தையும் கையெழுத்திட்டுள்ளது.இ-காமர்ஸின் தொலைநோக்கு தாக்கம், கிராம-நகர வித்தியாசத்தை இணைப்பதில் உள்ளது. உள்ளூர் வேலைவாய்ப்புகளை உருவாக்குவதன் மூலம், இது மக்கள் இடம் பெயர்வதை கட்டுப்படுத்தி, கிராமப்புற பொருளாதாரத்தை வலுப்படுத்தியுள்ளது. ஒரு காலத்தில் பிராந்திய வரம்புகளை எதிர்கொண்ட MSMEகள் இப்போது டிஜிட்டல் வணிகத்தைப் பயன்படுத்தி நிலையான வளர்ச்சியை அடைகின்றன.தமிழ் மொழியில் மொபைல் போனில் தரப்படும் தகவல்களால் ஃபிளிப்கார்ட் போன்ற தளங்களின் டிஜிட்டல் வணிகம் அணுகக்கூடியதாக மட்டுமல்லாமல், அனைத்தையும் உள்ளடக்கியதாக இருப்பதை உறுதி செய்கின்றன. மாநிலத்தின் MSME துறை டிஜிட்டல் புரட்சியைப் பயன்படுத்தி உயர்ந்து வருகிறது. பாரம்பரிய தொழில்துறையில் வலுவான அடித்தளமும், முன்னோக்கி பார்க்கும் டிஜிட்டல் உள்கட்டமைப்பும் கொண்டு, தமிழ்நாடு இ-காமர்ஸின் முழு திறனைப் பயன்படுத்த தயாராக உள்ளது. ஃபிளிப்கார்ட் போன்ற தளங்கள் பிராந்தியத்தில் தங்கள் ஈடுபாடு மற்றும் முதலீட்டை அதிகப்படுத்தும்போது, MSMEகள் வளர்ச்சியடைவது மட்டுமல்லாமல், மாநிலம் முழுவதும் பொருளாதார வளர்ச்சி மற்றும் சமூக மேம்பாட்டின் முக்கிய அங்கங்களாகவும் உருவெடுக்கும்.