மொத்த விலை பணவீக்கம் 2 ஆண்டுகளில் இல்லாத சரிவு

புதுடில்லி:நாட்டின் மொத்த விலை பணவீக்கம், இரண்டு ஆண்டுகளில் இல்லாத அளவுக்கு கடந்த ஜூலை மாதம், மைனஸ் 0.58 சதவீதமாக குறைந்துள்ளது. உணவுப் பொருட்கள் மற்றும் எரிபொருள் விலை குறைந்து வருவதால், தொடர்ந்து இரண்டாவது மாதமாக, மொத்த விலை பணவீக்கம் மைனஸ் நிலையில் பதிவாகியுள்ளதாக மத்திய வர்த்தக அமைச்சகம் தெரிவித்துள்ளது. கடந்த மாதம் உணவுப் பொருட்கள், சமையல் எண்ணெய், பெட்ரோலியம் மற்றும் இயற்கை எரிவாயு உள்ளிட்டவற்றின் விலை குறைந்துள்ளது. உணவுப் பொருட்களின் விலை 6.29 சதவீதம் குறைந்துள்ள நிலையில், காய்கறிகளின் விலை 28.96 சதவீதம் குறைந்துள்ளது. இதனிடையே, சாதகமான அடிப்படை விளைவின் தாக்கம், கடந்த சில மாதங்களாக பணவீக்கம் குறைய வழிவகுத்த நிலையில், அடுத்த மாதம் முதல் இந்த தாக்கம் இருக்காது என்பதால், வரும் மாதங்களில் பணவீக்கம் சற்று அதிகரிக்கும் என நிபுணர்கள் கருத்து தெரிவிக்கின்றனர். காய்கறிகள் உள்ளிட்ட உணவுப் பொருட்களின் விலை அதிகரித்து வருவதையும் அவர்கள் சுட்டிக்காட்டினர். வரும் மாதங்களில் பணவீக்கம் சற்று அதிகரிக்கும் என நிபுணர்கள் தெரிவிக்கின்றனர் மாதங்கள் பணவீக்கம்(%) 2024 ஜூலை 2.10 ஆகஸ்ட் 1.25 செப்டம்பர் 1.91 அக்டோபர் 2.75 நவம்பர் 1.89 டிசம்பர் 2.57 2025 ஜனவரி 2.31 பிப்ரவரி 2.38 மார்ச் 2.05 ஏப்ரல் 0.85 மே 0.39 ஜூன் - 0.13 ஜூலை - 0.58