டெக்னிக்கல் அனாலிசிஸ்: பெரிய நகர்வுகளுக்கான வாய்ப்புகள் குறைவாகவே தெரிகிறது

நண்பகல் வரை சிறிய ஏற்றத்துடன் நடைபெற்ற நிப்டி வர்த்தகம், அதன்பின் இறக்கத்தை சந்தித்து, 2:45 மணியளவில் இறக்கத்தில் இருந்து மீண்டு நாளின் இறுதியில் 14 புள்ளிகள் ஏற்றத்துடன் நிறைவடைந்தது. 16 பரந்த சந்தை குறியீடுகளில் 14 குறியீடுகள் ஏற்றத்துடனும்; 2 குறியீடுகள் இறக்கத்துடனும் நிறைவடைந்தன. இவற்றில் 'நிப்டி மிட்கேப் 50' குறியீடு அதிகபட்சமாக 0.69 சதவீத ஏற்றத்துடனும், 'நிப்டி ஸ்மால்கேப் 50' குறியீடு அதிகபட்சமாக 0.09 சதவீத இறக்கத்துடனும் நிறைவடைந்தன.19 துறை சார்ந்த குறியீடுகளில், 15 குறியீடுகள் ஏற்றத்துடனும்; 4 குறியீடுகள் இறக்கத்துடனும் நிறைவடைந்தன. இவற்றில் 'நிப்டி ஹெல்த்கேர்' குறியீடு அதிகபட்சமாக 1.24 சதவீத ஏற்றத்துடனும்; 'நிப்டி மீடியா' குறியீடு அதிகபட்சமாக 0.68 சதவீத இறக்கத்துடனும் நிறைவடைந்தன.வர்த்தகம் நடந்த 3,257 பங்குகளில், 1,686 ஏற்றத்துடனும்; 1,455 இறக்கத்துடனும்; 116 மாற்றம் ஏதும் இல்லாமலும் நிறைவடைந்திருந்தன. நிப்டி 20 மற்றும் 50 நாள் சராசரிகளுக்கு (இ.எம்.ஏ.,) கீழேயே நிறைவடைந்துள்ளது. மொமெண்டம் இண்டிகேட்டர்கள் இன்னும் ஏற்றத்திற்கான நகர்வுகளை உறுதியாக காட்டவில்லை.தற்போதைய டெக்னிக்கல் நிலைமையில் பெரிய அளவிலான மாறுதல்களை எதிர்கொள்ளாமல், 25,350 முதல் 25,850 வரையிலான எல்லைக்குள் நிப்டி பயணிப்பதற்கான வாய்ப்பே தென்படுகிறது.