டெக்னிக்கல் அனாலிசிஸ் : நிப்டி குறுகிய எல்லைகளுக்குள் நகர வாய்ப்புள்ளது

நேற்றைய வர்த்தகத்தில் 143 புள்ளிகள் சரிவுடன் தொடங்கிய நிப்டி, நாள் முழுதும் இறக்கத்துடனே காணப்பட்டது. வர்த்தக நிறைவில் 158 புள்ளிகள் வீழ்ச்சியுடன் முடிந்தது. பரந்த சந்தை குறியீடுகள் 18ம் இறக்கத்துடன் காணப்பட்டன. இவற்றில், 'நிப்டி மிட்கேப் 100' குறியீடு குறைந்தபட்சமாக 0.44 சதவீதம் குறைந்தும், 'நிப்டி ஸ்மால்கேப் 50' குறியீடு அதிக பட்சமாக 1.08 சதவீதம் இறங்கியும் காணப்பட்டன. 21 துறை சார்ந்த குறியீடுகளில் 6 குறியீடுகள் ஏற்றத்துடனும்; 15 குறியீடுகள் இறக்கத்துடனும் நிறைவடைந்தன. இவற்றில், 'நிப்டி பார்மா' குறியீடு அதிகபட்சமாக 1.03 சதவீத உயர்வுடனும், 'நிப்டி ரியால்ட்டி' குறியீடு அதிகபட்சமாக 1.97 சதவீத சரிவுடனும் முடிந்தன. வர்த்தகம் நடந்த 3,410 நிறுவனங்களின் பங்குகளில் 1,020 ஏற்றத்துடனும்; 2,277 இறக்கத்துடனும்; 113 மாற்றம் ஏதும் இல்லாமலும் நிறைவடைந்திருந்தன. நிப்டி 14, 21 மற்றும் 50 நாள் இ.எம்.ஏ.,க்களுக்கு அருகேயே வர்த்தகமாகி வருவதால், குறிப்பிட்ட திசையில் தீர்மானமாக நகராமல் கன்சாலிடேஷன் நிலைமையே தொடர்கிறது. ஆர்.எஸ்.ஐ., மற்றும் ஆர்.ஓ.சி., கிட்டத்தட்ட சமநிலையையும், ஸ்டோக்காஸ்ட்டிக் ஆசிலேட்டர் ஒரளவுக்கு பாசிட்டிவ்வாகவும், எம்.ஏ.சி.டி., இன்னும் ஏற்றத்திற்கு தேவையான வேகம் உறுதியாகவில்லை என்பதையும் காட்டுகிறது.