ஆயுள் சான்று அளிக்க இன்றே கடைசி நாள்

அரசு ஓய்வூதியதாரர்கள், தங்கள் ஆயுள் சான்றிதழை சமர்ப்பிக்க இன்றே கடைசி நாளாகும். ஓய்வூதியதாரர்கள் தடையின்றி ஓய்வூதியம் பெறுவதற்கு, தாங்கள் உயிருடன் இருப்பதை உறுதிப்படுத்தும் இந்த சான்றிதழை, ஆண்டுதோறும் சமர்ப்பிக்க வேண்டியது கட்டாயமாகும். குறித்த காலத்திற்குள் இதை சமர்ப்பிக்க தவறினால், ஓய்வூதியம் வருவது தாமதமாகும் அல்லது நிறுத்தப்படும். இதற்கு கூகுள் பிளே ஸ்டோரில் இருந்து, 'ஆதார் பேஸ் ஆர்.டி.,' மற்றும் 'ஜீவன் பிரமான் பேஸ் ஆப்' ஆகியவற்றை பதிவிறக்கம் செய்ய வேண்டும். பின் இவற்றை பயன்படுத்தி ஆதார் எண், மொபைல் எண் மற்றும் கைரேகை அல்லது கண் கருவிழிப் பதிவு வாயிலாக மிக எளிதாக மின்னணு முறையில் இந்த நடைமுறையை பூர்த்தி செய்யலாம். இதற்கு நேரடியாக சென்று ஆவணங்களை சமர்ப்பிக்க வேண்டிய அவசியமில்லை. ஆயுள் சான்றிதழை சமர்ப்பித்ததும், சம்பந்தப்பட்ட வங்கி அல்லது போஸ்ட் ஆபீஸ் அதை ஏற்றுக்கொள்ளும்பட்சத்தில், தொடர்ந்து ஓய்வூதியம் பெற முடியும்.