தகுதியான முதலீட்டு ஆலோசகர் யார்?

க ஷ்டப்பட்டு சம்பாதித்த பணத்தை, ஒரு முதலீட்டு ஆலோசகரை நம்பி முதலீடு செய்யும் முன், அவர் செபியின் அங்கீகாரத்தை பெற்ற முதலீட்டு ஆலோசகரா என்பதை உறுதிப்படுத்துவது அவசியம்.

ஆலோசகர்கள்

 செபி விதித்துள்ள விதிமுறைகளுக்கு கட்டுப்பட்டவர்களாக இருப்பர்  குறைந்தபட்ச கல்வித் தகுதி, சான்றிதழ் மற்றும் போதுமான மூலதன தேவைகளை பூர்த்தி செய்திருப்பர்  திட்டங்களில் உள்ள ரிஸ்க்குகள், கிடைக்கும் வட்டி போன்றவற்றை வெளிப்படையாக கூறுவர்  ஒவ்வொரு திட்டங்களில் உள்ள முரண்பாடுகளையும் முதலீட்டாளர்களுக்கு எடுத்து கூறுவர்

எச்சரிக்கைகள்

 ஒருவர் தன்னை செபி 'அங்கீகாரம் பெற்றவர்' என்று கூறினாலும், அதை சரிபார்ப்பது அவசியம்  தங்கள் பதிவு எண் அல்லது சான்றிதழைப் பகிர மறுத்தால், எச்சரிக்கை அவசியம்  நிர்ணயிக்கப்பட்ட அல்லது உறுதியான வருமானத்தை வழங்கும் என கூறினால் எச்சரிக்கை தேவை  ஆவணங்கள் இல்லாமல் முன்பணம் அல்லது பெரிய கட்டணங்களை கொடுக்குமாறு வற்புறுத்தினால் உஷாராக வேண்டும்  சமூக வலைதளங்கள் வழியாக மட்டுமே தொடர்புகொண்டால் கூடுதல் கவனம் அவசியம்  சரியான நபரா என்பதை அறிய வழி ஆலோசகர் செபி-யில் பதிவு செய்துள்ளாரா என்பதை சரிபார்ப்பது மிகவும் எளிது.

ஆன்லைன் செயல்முறை

 செபியின் www.sebi.gov.inஎனும் அதிகாரப்பூர்வ இணையதளத்திற்கு செல்லவும்  Intermediaries / Market Infrastructure Institutions எனும் பகுதிக்கு செல்லவும்  Registered Intermediaries என்பதை கிளிக் செய்யவும்  பட்டியலில், முதலீட்டு ஆலோசகர் (Investment Adviser) என்பதை தேர்ந்தெடுக்கவும்  அடுத்து, ஆலோசகரின் பெயர், நிறுவனத்தின் பெயர் அல்லது பதிவு எண் ஆகியவற்றை பயன்படுத்தி தேடலாம்  ஆலோசகர் பதிவு செய்திருந்தால், பதிவு நிலை, காலம், முகவரி, ஒழுங்குமுறை நடவடிக்கைகள் எடுக்கப்பட்டுள்ளதா என்பதை காணலாம்.