முக்கிய துறைகள் 6.10% வளர்ச்சி

புதுடில்லி:நாட்டின் எட்டு முக்கிய துறைகளின் வளர்ச்சி, கடந்த ஜூலை மாதத்தில், 6.10 சதவீதமாக இருந்தது. வளர்ச்சி, கடந்த ஜூன் மாதத்தில் 5.10 சதவீதமாகவும்; கடந்தாண்டு ஜூலையில் 8.50 சதவீதமாகவும் இருந்தது.எட்டு முக்கிய துறைகளில், நிலக்கரி, பெட்ரோலிய சுத்திகரிப்பு பொருட்கள், கச்சா எண்ணெய், இயற்கை எரிவாயு, உரம், உருக்கு, சிமென்ட், மின்சாரம் ஆகியவை அடங்கும். இதில் கச்சா எண்ணெய், இயற்கை எரிவாயு தவிர மற்ற அனைத்து துறைகளுமே, கடந்த மாதம் வளர்ச்சி கண்டன.இதேபோல், நடப்பு நிதியாண்டின் ஏப்ரல் - ஜூலை காலகட்டத்தை பொறுத்தவரை, இத்துறைகளின் வளர்ச்சி, 6.10 சதவீதமாக குறைந்துள்ளது. முந்தைய நிதியாண்டின் இதே காலகட்டத்தில் இது, 6.60 சதவீதமாக இருந்தது.நாட்டின் தொழில் துறை உற்பத்தியை கணக்கிடுவதில், இந்த எட்டு துறைகள், 40.27 சதவீத பங்களிப்பை கொண்டுள்ளது. நடப்பு நிதியாண்டில், இத்துறைகளின் வளர்ச்சி, 6.50 முதல், 7.00 சதவீதமாக இருக்கும் என, அரசின் பொருளாதார ஆய்வறிக்கையில் தெரிவிக்கப்பட்டுள்ளது.