பயங்கரவாத அமைப்பின் உதவியோடு வயநாட்டில் போட்டியிடும் ராகுல்: மத்திய அமைச்சர் ஸ்மிருதி சாடல்

புதுடில்லி: 'ராகுல் வயநாடு தொகுதியில் போட்டியிட பி.எப்.ஐ., பயங்கரவாத அமைப்பின் ஆதரவைப் பெற்றுள்ளதாக எங்களுக்குத் தகவல் கிடைத்தது' என மத்திய அமைச்சர் ஸ்மிருதி இரானி கடுமையாக சாடியுள்ளார்.இது குறித்து ஸ்மிருதி இரானி கூறியிருப்பதாவது: காங்கிரஸ் எம்.பி., ராகுல் வரலாற்று ரீதியாக காங்கிரசுடன் இணைந்த தொகுதியான அமேதியில் வசிப்பவர்களை இழிவுபடுத்தி பேசினார். அமேதி மக்கள் பிரதமர் நரேந்திர மோடிக்கு ஆசிர்வதிப்பார்கள். காந்தி குடும்பத்தினர் அமேதியில் போட்டியிடுவார்கள் என்பது எங்களுக்கு தெரியும். அமேதி தொகுதியில் உள்ள 19 லட்சம் பேருக்கு பிரதமர் நரேந்திர மோடி ரேஷன் பொருட்கள் வழங்கி வருகிறார்.ராகுல் வயநாடு தொகுதியில் போட்டியிட பி.எப்.ஐ., பயங்கரவாத அமைப்பின் ஆதரவைப் பெற்றதாக எங்களுக்குத் தகவல் கிடைத்தது. இவ்வாறு அவர் கூறினார்.