தேர்வு எழுத சென்ற அசாம் பெண்: உத்தரகாண்டில் சடலமாக மீட்பு

புதுடில்லி: டில்லியில் நடைபெற்ற ரயில்வே வாரிய தேர்வுக்கு சென்ற அசாமை சேர்ந்த 20 வயது பெண், 5 நாட்களுக்கு பிறகு உத்ரகாண்ட் மாநிலத்தில் மர்மமான முறையில் சடலமாக கண்டெடுக்கப்பட்டார்.அசாமின் திமா ஹசாவ் மாவட்டத்தில் உள்ள சோண்டிலா ஹோஜாய் கிராமத்தை சேர்ந்த ரஸ்மிதா ஹோஜாய், கடந்த 5 ஆம் தேதி ரயில்வே வாரிய தேர்வுக்கு சென்றார். அங்கு சென்ற சிறிது நேரத்திலேயே, ரஸ்மிதா ஹோஜாய் தனது குடும்பத்தினருடனான தொடர்பை இழந்தார். அவர் 5 நாட்களாக காணமல் போனார்.கடைசியாக இரண்டு நபர்கள் உடன் அவர் காணாமல் போனது குறித்து உத்தரகாண்ட் மாநிலம் ஷிவ்புரி காவல் நிலையத்தில் தகவல் தெரிவிக்கப்பட்டது. இது குறித்து ஷிவ்புரி போலீசார் கூறியதாவது:காணாமல் போன ரஸ்மிதா ஹோஜாய், 5 நாட்களுக்கு பின்னர் இங்குள்ள புவுரியில் உள்ள கங்கை கரையில் அவரது உடல் கண்டெடுக்கப்பட்டது. அந்த பெண்ணின் மரணத்திற்கான சரியான காரணம் இன்னும் கண்டறியப்படவில்லை. மேலும் விசாரணை நடத்தி விரைவில் உரிய குற்றவாளிகளை கண்டுபிடித்து விடுவோம்.இவ்வாறு போலீசார் கூறினர்.