பேனர் செய்தி

பெங்களூரு: கர்நாடகாவின் 28 தொகுதிகளில் ஏப்ரல் 26 மற்றும் மே 7 என இரண்டு கட்டங்களாக லோக்சபா தேர்தல் நடக்க உள்ளது. லோக்சபா தேர்தல் கால அட்டவணையை தேர்தல் ஆணையம் நேற்று வெளியிட்டது.

5.42 கோடி வாக்காளர்கள்

கர்நாடகாவின் 28 லோக்சபா தொகுதிகளுக்கு தேர்தல் நடத்துவது தொடர்பாக, மாநில தலைமை தேர்தல் அதிகாரி மனோஜ் குமார் மீனா, பெங்களூரில் நேற்று விளக்கினார். அவர் கூறியதாவது:கர்நாடகாவில், 2,71,21,407 ஆண்கள்; 2,70,81,748 பெண்கள்; 4,993 திருநங்கையர் என 5,42,08,088 வாக்காளர்கள் உள்ளனர். இது தவிர, 46,412 தபால் வாக்காளர்கள் உள்ளனர்.இதில், 11,24,622 இளம் வாக்காளர்கள்; 3,200 கடல் கடந்து வசிக்கும் வாக்காளர்கள்; 85 வயதுக்கு மேற்பட்டோர் 5,70,168 பேர்; மாற்றுத்திறனாளிகள் 6,12,154 பேர் அடங்குவர்.அதிக பட்ச வாக்காளர்களை கொண்ட தொகுதியாக, பெங்களூரு வடக்கு தொகுதி உள்ளது. இங்கு, 31,74,098 வாக்காளர்கள் உள்ளனர். குறைந்த வாக்காளர்களை கொண்ட தொகுதியாக உடுப்பி - சிக்கமகளூரு தொகுதி உள்ளது. இங்கு, 15,72,958 வாக்காளர்கள் உள்ளனர்.கடந்த 2019 தேர்தலை ஒப்பிடுகையில், 31,52,916 வாக்காளர்கள் அதிகமாக உள்ளனர்.மாநிலம் முழுதும், நகர பகுதிகளில் 21,682 ஓட்டுச்சாவடிகளும்; கிராமப்புறங்களில் 37,152 ஓட்டுச்சாவடிகளும் என 58,834 ஓட்டுச்சாவடிகளும் அமைக்கப்பட்டுள்ளன.மொத்தம் 1,10,946 மின்னணு ஓட்டுப்பதிவு இயந்திரங்கள்; 77,667 கட்டுப்பாட்டு இயந்திரங்கள்; 82,575 விவிபேட் இயந்திரங்கள் தயார் நிலையில் வைக்கப்பட்டுஉள்ளன.தேர்தல் பணிக்கு, 3,63,153 ஊழியர்கள் நியமிக்கப்பட்டுள்ளனர். அனைவருக்கும் பயிற்சி அளிக்கப்பட்டுள்ளன.இரண்டாம், மூன்றாம் கட்டங்களில், கர்நாடக தொகுதிகளுக்கு ஓட்டுப்பதிவு நடக்கிறது.முதல் 14 தொகுதிகளுக்கு ஏப்ரல் 26ம் தேதியும் அடுத்த 14 தொகுதிகளுக்கு மே 7ம் தேதியும் என இரண்டுகட்டங்களாக தேர்தல் நடத்தப்படுகிறது.சமீபத்தில் மறைந்த காங்கிரஸ் எம்.எல்.ஏ., ராஜா வெங்கடப்பா நாயக்கின் யாத்கிர் மாவட்டம், சுர்பூர் தொகுதிக்கு சட்டசபை தொகுதிக்கு மே 7ம் தேதி இடைத்தேர்தல் நடக்கிறது.இரண்டு கட்டங்களாக பதிவாகும் ஓட்டுகளும் இடைத்தேர்தல் ஓட்டுகளும், ஜூன் 4ம் தேதி எண்ணப்படுகின்றன.

246 சோதனைச் சாவடிகள்

தேர்தல் முறைகேடுகளை தடுக்க, கர்நாடகாவை ஒட்டி உள்ள தெலுங்கானா, ஆந்திரா, தமிழகம், கேரளா, கோவா, மஹாராஷ்டிரா மாநில எல்லைப்பகுதிகளில், 246 சோதனைச் சாவடிகள் அமைக்கப்பட்டு, தீவிர கண்காணிப்பில் ஈடுபட்டு உள்ளோம்.இவ்வாறு அவர் கூறினார்.

வரை படத்தில் நீல வண்ணத்தை ஒட்டி வைப்பதற்கு

..........................................* முதல் கட்டம்..........................................வேட்புமனுத் தாக்கல் துவக்கம்: மார்ச் 28மனுத் தாக்கலுக்கு கடைசி நாள்: ஏப்ரல் 4மனுக்கள் பரிசீலனை: ஏப்ரல் 5மனு திரும்பப் பெறுவதற்கு கடைசி நாள்: ஏப்ரல் 8ஓட்டுப்பதிவு: ஏப்ரல் 26ஓட்டு எண்ணிக்கை: ஜூன் 4..........................................15 - உடுப்பி - சிக்கமகளூரு16 - ஹாசன்17 - தட்சிண கன்னடா18 - சித்ரதுர்கா - தனி19 - துமகூரு20 - மாண்டியா21 - மைசூரு22 - சாம்ராஜ்நகர் - தனி23 - பெங்களூரு ரூரல்24 - பெங்., வடக்கு25 - பெங்., மத்திய26 - பெங்., தெற்கு27 - சிக்கபல்லாபூர்28 - கோலார் - தனி

வரை படத்தில், ஊதா வண்ணத்தை ஒட்டி வைப்பதற்கு

.........................................* இரண்டாம் கட்டம்வேட்புமனுத் தாக்கல் துவக்கம்: ஏப்ரல் 12மனுத் தாக்கலுக்கு கடைசி நாள்: ஏப்ரல் 19மனுக்கள் பரிசீலனை: ஏப்ரல் 20மனு திரும்பப் பெறுவதற்கு கடைசி நாள்: ஏப்ரல் 22ஓட்டுப்பதிவு: மே 7ஓட்டு எண்ணிக்கை: ஜூன் 4..........................................1 - சிக்கோடி2 - பெலகாவி3 - பாகல்கோட்4 - விஜயபுரா - தனி5 - கலபுரகி - தனி6 - ராய்ச்சூர் - எஸ்.டி.,7 - பீதர்8 - கொப்பால்9 - பல்லாரி - எஸ்.டி.,10 - ஹாவேரி11 - தார்வாட்12 - உத்தர கன்னடா13 - தாவணகெரே14 - ஷிவமொகா