மஹா., சட்டசபையில் குறைந்தது பெண் எம்.எல்.ஏ.,க்கள் எண்ணிக்கை

மும்பை: மஹாராஷ்டிரா சட்டசபையில் 24 பெண் எம்.எல்.ஏ.,க்கள் இருந்த நிலையில், தற்போதைய தேர்தலில் 22 பெண்கள் மட்டுமே வெற்றி பெற்றுள்ளனர்.மஹாராஷ்டிரா சட்டசபை தேர்தல் முடிந்த நிலையில், அது குறித்த சில புள்ளி விவரங்கள் வெளியாகி உள்ளன.இதன்படி,*முந்தைய சட்டசபையில் 24 பெண்கள் எம்.எல்.ஏ.,க்கள் இருந்தனர். தற்போது நடந்த தேர்தலில் 22 பெண்கள் மட்டுமே வெற்றி பெற்றுள்ளனர்.*தற்போது தேர்வான புதிய எம்.எல்.ஏ.,க்களில் 59 சதவீதம் பேர் பட்டப்படிப்பு முடித்து உள்ளனர். இது 55 சதவீதம் ஆகும். முதுகலை பட்டப்படிப்பை 17 சதவீதம் முடித்து இருந்தனர்.*ஆனால், முந்தைய சட்டசபையில் 44 தவீதம் பேர் மட்டுமே பட்டப்படிப்பு முடித்து உள்ளனர். 15 சதவீதம் பேர் முதுநிலை பட்டம் முடித்தவர்கள். *தற்போதைய சட்டசபையில் 40 சதவீதம் பேர் 56-70 வயதுக்கு உட்பட்டவர்கள். முந்தைய சட்டசபையில் இத்தகைய வயதுள்ளவர்கள் 34 சதவீதம் பேர்*இந்த தேர்தலில் 25-40 வயதில் வெற்றி பெற்றவர்களின் எண்ணிக்கை எட்டு சதவீதம். ஆனால், 2019 ல் 14 சதவீதம் பேரும், 2014 ல் 20 சதவீதம் பேரும் வெற்றி பெற்று இருந்தனர்*புதிய எம்.எல்.ஏ.,க்களில் கால்வாசி பேர் அரசியல் மற்றும் சமூகப்பணியை தங்களது தொழில் ஆக தெரிவித்துள்ளனர். 86 சதவீதம் பேர் விவசாயம் , வணிகத்தை தங்களது தொழில் ஆகவும் கூறியுள்ளனர்.