விக்கிபீடியாவில் தேடுதல் இந்தாண்டில் 8% குறைந்தது!

புதுடில்லி: செயற்கை நுண்ணறிவு தொழில்நுட்பமான ஏ.ஐ.,யில், எந்த விஷயம் குறித்தும் விளக்கம் அளிக்கும் 'சாட்பாட்' அதிகரித்துள்ளதால், விக்கிபீடியாவின் ஆதரவு 8 சதவீதம் சரிவு கண்டுள்ளது.தனது பக்கங்களை பார்வையிடுவோரின் எண்ணிக்கை, இந்த ஆண்டில் இதுவரை 8 சதவீதம் குறைந்துள்ளதாக, விக்கிபீடியாவின் அறிக்கையில் கூறப்பட்டுள்ளது. ஏ.ஐ., தேடுதல் கருவிகள் அதிகரித்திருப்பதும், பயனாளர்களின் வழக்கம் மாறியிருப்பதும் இதற்கு காரணமாக கூறப்பட்டுள்ளது. ஏ.ஐ., தளங்கள் மட்டுமின்றி, சமூக வலைதளங்களிலும் சந்தேகங்களுக்கு அதிகளவில் பதில் அளிக்கப்படுவதால், பயனாளர்கள் விக்கிபீடியோவை நாடுவதை குறைத்திருக்கின்றனர்.இளைய தலைமுறையினர் நேரடியாக சமூக வலைதள வீடியோ பக்கங்களை அதிகம் நாடுவதாகவும், ஏ.ஐ., தளங்களில் விளக்கம் கேட்பவர்களுக்கான பதிலை விக்கிபீடியா ஆதாரங்களை எடுத்து சாட்பாட்கள் பதிலளிப்பதாகவும், அறிக்கையில் கூறப்பட்டுள்ளது. எனினும், அதிக மொழிகள், கூடுதல் தகவல்களுக்கு விக்கிபீடியா தொடர்ந்து முக்கிய ஆதாரமாக விளங்குவதாகவும் அதில் தெரிவிக்கப்பட்டுள்ளது.