உள்ளூர் செய்திகள்

/ செய்திகள் / இந்தியா / மகளிர் இடஒதுக்கீடை அமல்படுத்தும் மசோதா: சிறப்பு பார்லிமென்ட் கூட்டம் கூட்ட திட்டம்

மகளிர் இடஒதுக்கீடை அமல்படுத்தும் மசோதா: சிறப்பு பார்லிமென்ட் கூட்டம் கூட்ட திட்டம்

புதுடில்லி : பிரதமர் மோடி தலைமையில் மத்தியில் ஆட்சியில் உள்ள தேசிய ஜனநாயக கூட்டணி அரசு 2023ல் மகளிர் இடஒதுக்கீடு மசோதாவை நிறைவேற்றியது. தொகுதி மறுவரையறைஏப்ரல் 17ல் நடந்த பார்லிமென்டின் சிறப்பு கூட்டத்தில் லோக்சபா தொகுதி மறுவரையறை உடன் மகளிர் இடஒதுக்கீடை நடைமுறைப்படுத்துவதற்கான அரசியல் சாசன திருத்த மசோதா அறிமுகம் செய்யப்பட்டது.இந்த மசோதா லோக்சபா தொகுதிகளின் எண்ணிக்கையை தற்போதைய 543-லிருந்து அதிகபட்சம் 850 ஆக உயர்த்தி, தொகுதி மறுவரையறை வழியாக மகளிர் இடஒதுக்கீட்டை 2029 லோக்சபா தேர்தலுக்கு முன் அமல்படுத்தும் அம்சம் இருந்தது.ஆனால் தொகுதி மறுவரையறையால் வட மாநிலங்களுக்க அதிக தொகுதி கிடைப்பதுடன், தமிழகம் உள்ளிட்ட தென் மாநிலங்களில் லோக்சபா தொகுதிகள் எண்ணிக்கை குறையும் என தி.மு.க., உள்ளிட்ட கட்சிகள் எதிர்ப்பு தெரிவித்தன.அரசியல் சாசன திருத்த மசோதா என்பதால், அதை நிறைவேற்ற மூன்றில் இரண்டு பங்கு பெரும்பான்மை தேவை. அது கிடைக்காததால் மசோதா தோல்வியடைந்தது. மீண்டும் மசோதாவை நிறைவேற்றும் முயற்சியில் மத்திய அரசு இறங்கியுள்ளது. அதில், தென் மாநிலங்களின் எதிர்ப்புகளை சமாளிக்கும் வகையில், 1971 மக்கள் தொகை கணக்கெடுப்பின்படி மாநிலங்களுக்கு இடையிலான தொகுதி விகிதாசாரத்தை தொடர்ந்து கடைப்பிடிக்கவும் அரசு பரிசீலித்து வருகிறது. வெற்றி பெறும்இதற்காக பார்லிமென்டின் சிறப்பு கூட்டத்தை கூட்ட திட்டமிட்டுள்ளதாக தகவல் வெளியாகி உள்ளது. கூட்டத்தொடருக்கான தேதி, எத்தனை நாட்கள் சபையை கூட்டுவது என்பது குறித்து இன்னும் அறிவிக்கப்படவில்லை. இந்த முறை மசோதா 15 முதல் 18 ஓட்டுகள் வித்தியாசத்தில் வெற்றி பெறும் என்ற நம்பிக்கையில் பா.ஜ., எம்.பி.,க்கள் உள்ளனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 3 )

R.RAMACHANDRAN
நவ 13, 2026 09:03

மக்களின் பிரதிநிதிகளாக தேர்வாகிறவர்கள் தேர்விற்கு பிறகு மக்களின் எஜமானர்களாக ஆகி பல தலைமுறைக்கான சொத்து சேர்ப்பதில் குறியாக உள்ள நாட்டில் அவர்களின் எண்ணிக்கையை உயர்த்துவதால் நாட்டிற்கு வீண் செலவு வைக்கின்றனர். உண்மையிலேயே நன்மை செய்பவர்களாக இருந்தால் இப்போது இருக்கும் எண்ணிக்கையிலேயே ஒதுக்கீடு செய்வர்.


subramanian
நவ 13, 2026 07:34

இண்டி கூட்டணி இந்த மசோதாவை வர விடாது. ஏனென்றால் ராகுலுக்கு தோல்வி பயம்.


தாமரை மலர்கிறது
நவ 12, 2026 23:29

தொகுதி மறுவரைக்கு காங்கிரெஸ்ஸை தவிர, அனைத்து தென் இந்திய கட்சிகளும் ஆதரவு தெரிவித்து விட்டன. நாயுடு, ஜகன் மோகன் ரெட்டி, ஸ்டாலின் ஆகியோரும் ஆவலுடன் ஆதரவு தெரிவித்து விட்டனர். விரைவில் வடஇந்திய தொகுதிகளின் எண்ணிக்கை அதிகரித்த மக்கள் தொகைக்கு ஏற்ப அதிகரிக்கும். இன்னும் ஆயிரம் ஆண்டுகளுக்கு பிஜேபியை இனி எந்த கொம்பனாலும் அசைக்க முடியாது. இந்த மசோதா நிறைவேறியபின், காங்கிரஸ் என்ற கட்சி இந்தியாவில் இருக்காது. அடுத்து ஒரே நாடு ஒரே தேர்தல் மசோதா தான்.


சமீபத்திய செய்தி