குறைதீர்க்கும் நாள் கூட்டத்தில் ஆசிரியை மீது மாணவர்கள் புகார்

கோவை: கலெக்டர் அலுவலகத்தில் நேற்று மக்கள் குறைதீர்க்கும் நாள் கூட்டம் நடந்தது. கலெக்டர் பவன்குமார் தலைமை தாங்கினார்.* பீளமேடு செங்காளியப்பன் நகர் மக்கள் கவுன்சிலர் சித்ரா அளித்த மனுவில்,- 26வது வார்டுக்குட்பட்ட பீளமேடு பகுதியில், குழந்தைகளை பராமரிக்க அங்கன்வாடி மையங்கள் இல்லை. அங்கன்வாடி மையம் அமைத்து தர வேண்டும் என்று கூறியிருந்தார்.*ஒண்டிப்புதூர் அரசு ஆண்கள் பள்ளி மாணவர்கள்அளித்த மனுவில், ஒண்டிப்புதூர் அரசு பள்ளியில் பணியாற்றும் ஆசிரியை ஒருவர், எங்களுக்கு சரியாக பாடம் எடுப்பதில்லை. அந்த ஆசிரியை ஆய்வகத்துக்கு அழைத்து செல்வதில்லை. எங்களது கல்வித்தரம் பாதிக்கப்படுகிறது. உரிய நடவடிக்கை எடுக்க வேண்டும் என்று வலியுறுத்தியிருந்தார்.