ஆராய்ச்சிகள் அதிகரிக்க வேண்டும்!

உயர்கல்வி நிறுவனங்களில் ஆராய்ச்சி திறன்களை மேம்படுத்துவதற்காக பி.ஏ.ஐ.ஆர்., எனும் 'துரிதப்படுத்தப்பட்ட கண்டுபிடிப்பு மற்றும் ஆராய்ச்சிக்கான கூட்டாண்மை' திட்டத்தை மத்திய அரசு தொடங்க உள்ளதாக, அறிவியல் மற்றும் தொழில்நுட்பத் துறையின் செயலாளர் பேராசிரியர் அபய் கரண்டிகர் சமீபத்தில் புதுடில்லியில் நடந்த அனுசந்தன் தேசிய ஆராய்ச்சி அறக்கட்டளை - ஏ.என்.ஆர்.எப்., கூட்டத்தில் தெரிவித்துள்ளார்.நாட்டில் உள்ள 40 ஆயிரம் உயர்கல்வி நிறுவனங்களில் ஒரு சதவீதத்திற்கும் குறைவானவர்களே தற்போது ஆராய்ச்சி நடவடிக்கைகளில் ஈடுபட்டுள்ளனர். இயற்கை அறிவியல், பொறியியல், தொழில்நுட்பம், சுற்றுச்சூழல் மற்றும் புவி அறிவியல் மற்றும் ஆரோக்கியம் உள்ளிட்ட பல்வேறு துறைகளில் கவனம் செலுத்தி, நாடு முழுவதும் ஆராய்ச்சி மற்றும் கண்டுபிடிப்பு கலாச்சாரத்தை விதைக்கவும், வளர்க்கவும் மற்றும் வளர்க்கவும் ஏ.என்.ஆர்.எப்., அமைக்கப்பட்டுள்ளது, என்று அவர் மேலும் குறிப்பிட்டுள்ளார்.