உள்ளூர் செய்திகள்

/ செய்திகள் / ப்ரீமியம் / என் பிரசாரத்தால் அதிருப்தி சரியாகும்: த.வெ.க.,வினருக்கு விஜய் நம்பிக்கை

என் பிரசாரத்தால் அதிருப்தி சரியாகும்: த.வெ.க.,வினருக்கு விஜய் நம்பிக்கை

சென்னை: இடைத்தேர்தல் கள நிலவரம், ஆளும் கட்சிக்கு எளிதாக இல்லையென, கூறப்படும் நிலையில், 'நான் பிரசாரத்துக்கு சென்றால், எல்லாம் சரியாகி விடும்' என, த.வெ.க.,வினரிடம் முதல்வர் விஜய் தெரிவித்துள்ளார். சட்டசபை தேர்தலில், அ.தி.மு.க., சார்பில் வென்ற, மரகதம், சத்யபாமா ஆகியோர், எம்.எல்.ஏ., பதவியை ராஜினாமா செய்துவிட்டு, த.வெ.க.,வில் இணைந்தனர். தற்போது, அவர்கள் ராஜினாமா செய்த தொகுதிகளிலேயே, த.வெ.க., வேட்பாளர்களாக இடைத்தேர்தலில் களம் இறங்கி உள்ளனர். மதுராந்தகம், தாராபுரம் தொகுதியில், அவர்கள் செல்லும் இடங்களில் மக்கள் எதிர்ப்பு தெரிவிக்கின்றனர். த.வெ.க., மூத்த நிர்வாகிகள் சிலர் கூறியதாவது: அ.தி.மு.க.,வில் இருந்து வந்த இருவருக்கும், போட்டியிட வாய்ப்பளித்தது, மக்களுக்கு பிடிக்கவில்லை. த.வெ.க., நிர்வாகிகள் மத்தியிலும் அதிருப்தி உள்ளது. இதனால், மதுராந்தகம், தாராபுரம் தொகுதிகளில், த.வெ.க.,வுக்கு சாதகமான சூழல் இல்லை. இது குறித்து, த.வெ.க., பொதுச்செயலரான, அமைச்சர் ஆனந்திடம் கூறினோம். அவர், முதல்வர் விஜய் கவனத்துக்கு கொண்டு சென்றார். உளவுத்துறை அறிக்கையும், த.வெ.க.,வுக்கு எதிராக உள்ளது. இந்நிலையில், முதல்வரின் முகாம் அலுவலகத்தில், ஓரிரு நாட்களுக்கு முன், ஆலோசனைக் கூட்டம் நடந்திருக்கிறது. அதில், 'அதிருப்தி எல்லாம், நான் பிரசாரம் செய்யும் வரை தான். இரு தொகுதிகளிலும் நான் பிரசாரம் செய்தால், எல்லா அதிருப்தியும் சரியாகிவிடும்' என முதல்வர் விஜய் சொல்லி இருக்கிறார். அவரது வியூக வகுப்பாளர் ஜான்ஆரோக்கியசாமியும், 'விஜய் முகத்துக்குத்தான் ஓட்டு. வேட்பாளர்கள் எல்லாம் கணக்கே இல்லை. போய் வேலையை பாருங்க' என அசால்டாக பேசியுள்ளார். கள நிலவரத்தை, த.வெ.க., மேலிடம், சீரியஸாக எடுத்துக் கொள்ளவில்லையோ என்ற சந்தேகம், நிர்வாகிகளிடம் நிலவுகிறது. இவ்வாறு கூறினர்.

 தாராபுரத்தில் செப்., 30ல் பிரசாரம்

தாராபுரத்தில், த.வெ.க., சார்பில், இடைத்தேர்தல் பிரசார பொதுக்கூட்டம், வரும் 30ம் தேதி நடக்கிறது. உடுமலை ரோடு மாருதி நகரில் நடக்கும் இந்த கூட்டத்தில், த.வெ.க., தலைவரான, முதல்வர் விஜய் பங்கேற்று பேசுகிறார்.பொதுக்கூட்டத்துக்காக, 54 ஏக்கர் இடத்தை சுத்தப்படுத்தும் பணி நடக்கிறது. கூட்ட ஏற்பாடுகளை, அமைச்சர்கள் செங்கோட்டையன், அருண்ராஜ் ஆகியோர் நேற்று பார்வையிட்டனர். அக்., 4ல், வாகனம் வாயிலாக, த.வெ.க., வேட்பாளர் சத்யபாமாவுக்கு ஆதரவாக விஜய் ஓட்டு சேகரிக்க உள்ளதாகவும் கட்சியினர் கூறினர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 20 )

Karuthu kirukkan
செப் 24, 2026 07:24

நம்பிக்கையை கை விற்றாதே பிகிலு ..போனாத்தானே தெரியும் ..பிகிலு சத்தம் கேக்குதா , அழுகை சத்தம் கேக்குதான்னு .. அறிவுள்ள மக்கள் ஒருமுறை தான் ஏமாறுவர்


Raghu
செப் 24, 2026 02:14

மொதல்ல பிரச்சாரத்துக்கு வர தனி விமானம் கிடைக்கவில்லையென்றால் பிரச்சாரமே கேன்சல் ஆகிவிடும் மொதல்ல 1 தொகுதிக்காவது இந்த விக்கப்பன் வருவாப்பளையான்னு பாக்கனும் ஒரு விக்கப்பனை பார்த்து இன்னொரு விக்கப்பன் கூவுவான் என்னான்னு? என்ன ஸ்டாலின் சார் அல்லு விடுதான்னு அப்புறம், 2 சைகை பிறகு கொத்து புரோட்டா கதை பைனலி நண்பாஸ் நண்பீஸ் குட்டீஸ், வழக்கம் போல மதுராந்தகத்திலும் விக்கப்பன் தாராபுரத்திலும் விக்கப்பன் என கூவும் அப்புறம் ஓட்டு பிச்சை


krishna
செப் 23, 2026 19:09

SURE SIR TASMAC DUMILANS HINDHUKKAL PONDRA VEKKAM MAANAM SOODU SORANAI ILLADHA JENMANGALAI ULAGIL ENGUM PAARKKA MUDIYAADHU. KOOTHADI VANDHAA VOTTU POTTU VETRI PERA VAIPPARGAL.ILLAI DRAVIDA MODEL MAFIA KUMBALUKKU VOTTU PODUVAARGAL.ANNAMALAI PONDRA NERMAYAANA THIRAMAYAANA ARIVU JEEVI IVARGALUUK THEVAI ILLAI.


ramesh
செப் 23, 2026 17:52

இனிமேலும் விஜயை நம்பி இந்த தொகுதி மக்கள் ஒட்டு போட்டார்கள் என்றால் ரஜினி முன்பு சொன்னது போல தமிழ்நாட்டை அந்த ஆண்டவனால் காப்பாற்ற முடியாது என்பதே உண்மை . அத்தியாவசிய உணவு பொருட்களுக்கு இவ்வளவு பெரிய விலை ஏற்றத்தை இதுவரையிலும் யாருடைய ஆட்சியிலும் ஏற்பட்டது இல்லை . தற்போது விலை ஏற்றத்தில் தமிழ் நாடு இந்தியாவில் 2 வது இடத்தில உள்ளது


ம பு மன்னார்சாமி
செப் 23, 2026 17:24

இந்த தின பத்திரிக்கைகள் அனைத்தும் ஏதோ ஒரு கட்சியையோ, ஜாதியையோ சார்ந்த பத்திரிக்கைகள். இவர்கள்தான் நான்கு மாதங்கள் முன் விஜய் கட்சி தேர்தலில் திவாலாகும் சொன்னதுகள். இப்பதான் "ஜெம்"மான மேட்டர் சிக்கியிருக்கே, தவெக அதை வைத்து விளையாடலாமே


S.V.Srinivasan
செப் 23, 2026 16:11

கூட்டம் முடிஞ்சதும் அந்த இடத்தை சுத்தம் செய்து விட்டு போக சொல்லுங்க உங்க விசிலடிச்சான் குஞ்சுகளை. அதுதான் நாகரீகம்.


S.V.Srinivasan
செப் 23, 2026 16:09

மொத்தத்தில் உங்கள் ஆட்சி மீது மக்களுக்கு அதிருப்தி இருக்குன்னு நீங்களே ஒப்புக்கொள்றீங்க . உங்க பிரச்சாரம் எந்த அளவுக்கு ஒர்க் அவுட் ஆவுதுன்னு பார்க்கலாம்.


Anand
செப் 23, 2026 13:32

ஒருவரின் அகம்பாவம், ஆணவம் அவரின் வீழ்ச்சியை காட்ட துவங்கும்.


Shekar
செப் 23, 2026 13:21

இவருக்கு மக்கள் எல்லாம் வாத்துகள் என்று தெளிவாக தெரிந்திருக்கிறது. இல்லையென்றால் இவ்வளவு தன்னம்பிக்கையுடன் பேசமுடியாது.


Anand
செப் 23, 2026 13:10

அதிலும் குறிப்பாக லண்டன் சென்று.............. தொழில் முதலீடுகள் ஈர்த்த அனுபவங்களை எல்லாம் சரியாகிவிடும்.


புதிய வீடியோ