உள்ளூர் செய்திகள்

/ செய்திகள் / ப்ரீமியம் / ஆட்சியை கவிழ்க்க திமுக - அதிமுக வியூகம்; உளவுத்துறை கண்காணிப்பில் எம்.எல்.ஏ.,க்கள்

ஆட்சியை கவிழ்க்க திமுக - அதிமுக வியூகம்; உளவுத்துறை கண்காணிப்பில் எம்.எல்.ஏ.,க்கள்

சென்னை: ஆட்சியை கவிழ்க்க, தி.மு.க., - அ.தி.மு.க., திட்டமிட்டுள்ளதாக கூறப்படும் நிலையில், த.வெ.க., - எம்.எல்.ஏ.,க்கள் உளவுத்துறை வளையத்திற்குள் கொண்டு வரப்பட்டுள்ளனர்.த.வெ.க., அரசு பதவியேற்றதும், சட்டசபையில் நம்பிக்கை வாக்கெடுப்பு நடத்தி, த.வெ.க., அரசு வெற்றி பெற்றது. சட்ட விதிகளின்படி, ஆறு மாதங்களுக்கு பிறகே, மீண்டும் நம்பிக்கை வாக்கெடுப்பு நடத்த முடியும்.https://static.vidgyor.com/player/vod/html/indexv2.html?videoId=207h8pa0&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0தற்போது, த.வெ.க., ஆட்சிக்கு வந்து ஆறு மாதங்கள் முடிந்து விட்டதால், நம்பிக்கையில்லா தீர்மானம் கொண்டு வர, தி.மு.க., - அ.தி.மு.க., தரப்பில் திட்டமிடப்பட்டுள்ளது. சட்டசபை மழைக்கால கூட்டத்தொடர், டிசம்பர் இறுதிக்குள் நடத்தப்படும்போது, தீர்மானம் கொண்டு வரப்படும் என தெரிகிறது.சட்டசபையில், சபாநாயகருடன் சேர்த்து, த.வெ.க.,விற்கு 109 எம்.எல்.ஏ.,க்கள் உள்ளனர். அமைச்சரவையில் இடம் பெற்றுள்ள, காங்கிரசுக்கு ஐந்து, வி.சி.க., மற்றும் முஸ்லிம் லீக் கட்சிக்கு, தலா இரண்டு எம்.எல்.ஏ.,க்கள் உள்ளனர். எனவே, பெரும்பான்மையை நிரூபிக்க தேவையான, 118 எம்எல்.ஏ.,க்கள் உள்ளனர். ஐந்து இடங்கள் காலியாக உள்ளதால், தி.மு.க., - அ.தி.மு.க., கொண்டு வரும் நம்பிக்கை இல்லா தீர்மானத்தை, மிக எளிதாக தோற்கடிக்க முடியும்.அதே நேரத்தில், த.வெ.க., - எம்.எல்.ஏ.,க்கள், கட்சி மாறி ஓட்டளித்தால், ஆட்சிக்கு பாதிப்பு ஏற்படும். இதனால், த.வெ.க., தலைவரான, முதல்வர் விஜய், சமீபத்தில், கட்சி எம்.எல்.ஏ.,க்களை அழைத்து ஆலோசனை நடத்தினார். அவர்களுக்கு தீபாவளி கவனிப்பும் நடந்தது.எனினும், த.வெ.க., - எம்.எல்.ஏ.,க்கள் பலர், தி.மு.க., மற்றும் அ.தி.மு.க., முன்னாள் அமைச்சர்கள், மாவட்ட செயலர்கள் கட்டுப்பாட்டில் உள்ளதாக தெரியவந்துள்ளது. இவர்களுக்கு தேவையான சகல வசதிகளையும், தி.மு.க., - அ.தி.மு.க.,வினர் செய்து தருகின்றனர். எனவே,உளவுத்துறை வாயிலாக, த.வெ.க., -எம்.எல்.ஏ.,க்களின் செயல்பாடுகள் தீவிரமாக கண்காணிக்கப்படுகிறது.இந்நிலையில், 'விரைவில் ஆட்சி மாற்றம் ஏற்படும்' என, தி.மு.க., தலைவர் ஸ்டாலின் வெளிப்படையாக பேசியுள்ளார். அ.தி.மு.க., முன்னாள் அமைச்சர் செல்லுார் ராஜு, 'த.வெ.க., எம்.எல்.ஏ.,க்கள் 30 பேர் அதிருப்தியில் உள்ளனர்,' என கூறியுள்ளார்.இதற்கிடையே, இ.கம்யூ., - மா. கம்யூ., கட்சிகளின் ஆதரவை தக்க வைப்பதற்கு, த.வெ.க., தலைமை முயற்சி மேற்கொண்டுள்ளது. தமிழகத்தில் உள்ள கம்யூ., தலைவர்கள் உடன்படாததால், டில்லி சென்றுள்ள அமைச்சர் ஆதவ் அர்ஜுனா, அங்கு கம்யூ., மூத்த தலைவர்களை சந்தித்து பேசியுள்ளார்.காங்., மேலிட தலைவர்கள் வாயிலாகவும், கம்யூ., தலைவர்களின் ஆதரவை கோர திட்டமிட்டு, காங்., அகில இந்திய பொதுச்செயலர் வேணுகோபாலை, ஆதவ் சந்தித்து பேசியுள்ளார். இதற்கிடையே, டில்லியில் நேற்று, பா.ஜ., தேசிய நிர்வாகிகளுடன் முதல்வர் விஜய் பேசிய தகவலும் வெளியாகியுள்ளது.

குதிரை பேர முயற்சியில் ஸ்டாலின் ஈடுபடுகிறார்

முன்னாள் அமைச்சர் நேரு இல்ல திருமணத்தில் பேசிய தி.மு.க., தலைவர் ஸ்டாலின், தன்னை அறியாமல், திரைமறைவில் செய்யும் வேலைகள் பற்றிய ஒப்புதல் வாக்குமூலத்தை அளித்திருகிறார். ஏற்கனவே, 'இந்த ஆட்சி மூன்று மாதம் கூட நீடிக்காது' என்று பித்து பிடித்தது போல் பேசிக்கொண்டு இருந்தார். அதிகாரம் பறிபோன பதற்றத்தில், த.வெ.க., ஆட்சியை கவிழ்க்க, பல முயற்சிகளை செய்து பார்த்தார்.த.வெ.க., மீது, குதிரை பேரம் என்ற பொய் புகாரை கூறிய அவர், தன் ஓய்வு காலத்தில், குதிரை பேர முயற்சியில் தீவிரமாக ஈடுபட்டுள்ளார் என்பதைத்தான், அவரது பேச்சு காட்டுகிறது. 'விரைவில் தி.மு.க., ஆட்சி உதயமாகிறது' என்றால், அவர் நடத்தும் குதிரை பேர முயற்சிகள் ஒவ்வொரு கட்டமாக முன்னேறி கொண்டிருக்கிறது என்று சொல்கிறாரா? குதிரை பேரம் நடத்துவது யார் என்பது மக்களுக்கு இப்போது தெரிந்திருக்கும்.- அருண்ராஜ்,தமிழக அமைச்சர், த.வெ.க.,


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 11 )

சி.முருகன்
நவ 17, 2026 16:43

அவனுக்கு காரை பிச்சையாய் போட்டது யாரென்று


Arul. K
நவ 17, 2026 15:21

விஜயின் தூக்கத்த்தை கெடுப்பதற்கு ஏற்பாடு செய்யப்பட புரளி. தூய சக்திக்கு கோடி கோடியாக கொட்டி கொடுத்தாலும் தீய சக்தியுடன் சேராது


Sundar R
நவ 17, 2026 13:45

எந்த ஹோமம், யாத்திரை மிகவும் அதிகமாக நமக்கு புண்ணியங்களைக் கொடுப்பது? 1. மஹா சண்டி ஹோமம் 2. அதி ருத்ர மஹா ஹோமம் 3. மஹா சுதர்சன ஹோமம் 4. அஸ்வமேத யாகம் 5. ராஜ்சூய யாகம் 6. சோம யாகம் 7. மஹா ம்ருத்யுஞ்சய ஹோமம் 8. ஸ்ரீசுக்த ஹோமம் 9. நவக்கிரக ஹோமம் ஆகிய மேற்கூறிய ஹோமங்கள் மிகவும் பெரியவை. மேற்கூறிய யாகங்களை செய்தால், அதனால் மிகுந்த புண்ணியங்கள் நமக்கு கிடைக்கும். கீழ்க்கண்டவை மிகப்பெரிய யாத்திரைகள்: 1. நேபாளம் கைலாஷ் மானசரோவர் யாத்திரை 2. சார் தாம் யாத்திரை 3. காசி யாத்திரை 4. பண்டர்பூர் யாத்திரை 5. சபரிமலை யாத்திரை 6. பழனி முருகர் யாத்திரை 7. திருப்பதி-திருமலை யாத்திரை மேற்கூறிய யாத்திரைகளை மேற்கொள்பவர்களுக்கும், மேற்கூறிய ஹோமங்களை செய்பவர்களுக்கும் மிகுந்த புண்ணியங்கள் கிடைக்கும்.


Ketheesh Waran
நவ 17, 2026 14:08

இதட்கும் இந்த செய்திக்கும் என்ன தொடர்பு ? சுந்தர், நீங்கள் டிவிகே அமைச்சர் போல பேசுகிறீர்கள்


jeyakumar
நவ 17, 2026 13:45

கவிழ்த்திட்டாலும்?... தேனும் பாலும் பழமும் இந்த சாக்கடையில் இருந்து தனியா வந்துடும்.


Rajasekar Jayaraman
நவ 17, 2026 12:06

மூணு திராவிடிய கூட்டமும் சேர்ந்து மக்களை அண்ணாமலை நோக்கி தள்ளுகிறார்கள்.


நக்கீரன் (நெற்றிக்கண் திறப்பினும் குற்றம் குற்றமே)
நவ 17, 2026 09:52

விஜய் ஆட்சியை கவிழ்க்க நினைத்தாலே திருட்டு திராவிடம் குழிதோண்டி புதைக்கப்பட்டுவிடும். திருட்டு திராவிட கூட்டத்தின் ஊழல்கள் ஒவ்வொன்றாக வெளியே வந்துகொண்டிருக்கின்றன.


Ketheesh Waran
நவ 17, 2026 09:30

தமிழ் நாட்டுக்கு ஆட்சி மாற்றம் தேவை. இது சட்டரீதியான ஜனநாயக உரிமை. இதில் உளவுத்துறை தலையிட கூடாது. தமிழக மக்கள் டிவிகே ஆட்சியில் நம்பிக்கை இழந்து விட்டனர்.


Lakshminarasimhan
நவ 17, 2026 07:00

என்னமோ த வெ க காரனுக மஹா யோக்கியனுக மாதிரி பேசுறாரு அருண்ராஜ் அமைச்சர் முதலில் இந்த குதிரை பேர அரசியலை அரங்கேற்றியதே இந்த த வெ க தானே இவர்கள் தானே கடந்த நம்பிக்கை வாக்கெடுப்பின் போது அதிமுக சட்டமன்ற உறுப்பினர்களை குதிரை பேரத்தின் வாயிலாக இவர்களுக்கு வாக்களிக்க தூண்டியது


nalini p g
நவ 17, 2026 06:18

even if they convince 30 MLAs, as per the constitution rules, since 30 is not 2/3 rd of 109, won't they only get disqualified?


கிஜன்
நவ 17, 2026 06:07

கம்மிஸ் காட்ல அடை மழை ….புத்தகம் எழுதி வந்த வருமானத்தில் பென்ஸ் காரும் பிராண்டட் உடைகள் Prado செருப்புகள் போடுபவர்கள் இனி ரோல்ஸ் ராய்சில் வருவார்கள்…