உள்ளூர் செய்திகள்

/ செய்திகள் / ப்ரீமியம் / அ.தி.மு.க.,விலிருந்து வந்தவர்களுக்கு பதவி; த.வெ.க., நிர்வாகிகள் கடும் அதிருப்தி

அ.தி.மு.க.,விலிருந்து வந்தவர்களுக்கு பதவி; த.வெ.க., நிர்வாகிகள் கடும் அதிருப்தி

சென்னை: அ.தி.மு.க.,வில் இருந்து வந்தவர்களுக்கு பதவிகளை கொடுத்தது, த.வெ.க., நிர்வாகிகளிடையே கடும் அதிருப்தியை ஏற்படுத்தி உள்ளது. https://static.vidgyor.com/player/vod/html/indexv2.html?videoId=6ltuwqup&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0த.வெ.க., மாவட்ட செயலர்கள் சிலர் கூறியதாவது: திருப்பூர் தெற்கு மாவட்ட செயலர் திருமலை பொறுப்பில், உடுமலைப்பேட்டை, மடத்துக் குளம் என இரு தொகுதிகள் இருந்தன. மடத்துக்குளத்தை, அ.தி.மு.க.,வில் இருந்த வந்த, முன்னாள் எம்.எல்.ஏ., மகேந்திரனுக்கும், உடுமலைப்பேட்டையை, முன்னாள் அமைச்சர் ராதாகிருஷ்ணனுக்கும் கொடுத்ததால், அதிகாரம் இல்லாத மாவட்ட செயலராகி விட்டார், திருமலை. எம்.எல்.ஏ., சத்தியபாமாவின் திருப்பூர் வடக்கு தொகுதி, முன்னாள் அமைச்சர் ஆனந்தன் வசம் சென்றுள்ளது. த.வெ.க., அமைச்சர் ராஜ்குமாரின் கடலுார் தொகுதி, முன்னாள் அமைச்சர் சம்பத் வசமாகி உள்ளது. 'அ.தி.மு.க., மாஜிக்களுக்கு ஒதுக்கிய தொகுதிகளை, இனி அவர்கள் பார்த்துக் கொள்வர்' என, கட்சி தலைமையில் இருந்து உத்தரவு வந்துள்ளது. அ.தி.மு.க.,வில் இருந்து வந்தவர்களுக்கு, துணை பொதுச்செயலர் பதவி கொடுத்ததை கூட ஏற்றுக் கொள்ளலாம். ஆனால், தொகுதிகளையும் தாரை வார்ப்பதை ஏற்க முடியாது. ஏற்கனவே, எம்.எல்.ஏ., பதவியை ராஜினாமா செய்துவிட்டு வந்தவர்களுக்கும், மாற்று கட்சியில் இருந்து வந்து, த.வெ.க.,வில் எம்.எல்.ஏ., ஆன 27 பேருக்கும், அந்தந்த தொகுதியை தலைமை கொடுத்தது. இதனால், ரசிகர் மன்றத்தில் இருந்து வந்த 10க்கும் மேற்பட்ட மா.செ.,க்கள் பதவிகளை இழந்தனர். இந்நிலையில், புதிதாக வந்தவர்களுக்கு பதவிகளை வாரி வழங்கினால், கட்சிக்காக உழைத்தவர்கள் எங்கே செல்வோம்? இது குறித்து பொதுச்செயலர் ஆனந்திடம் கேட்டால், 'பொறுமையாக இருங்கள்' என்று மட்டும் சொல்கிறார். இவ்வாறு அவர்கள் கூறினர்.

பா.ம.க., ரகசிய உத்தரவு

மதுராந்தகம் தொகுதிக்கு, வரும் அக்., 6ல் இடைத்தேர்தல் நடைபெறும் நிலையில், 'எந்த கட்சிக்கும் ஆதரவில்லை' என, பா.ம.க., தலைமை அறிவித்தது. அங்கு வன்னிய சமுதாய ஓட்டுகள் அதிகமாக உள்ளதால், பா.ம.க., ஆதரவை பெற த.வெ.க., தலைமை முடிவு செய்தது. பா.ம.க., தலைமையுடன், தேர்தல் பொறுப்பாளர்களாக உள்ள அமைச்சர்கள் பேச்சு நடத்தினர். இதையடுத்து, த.வெ.க., வேட்பாளருக்கு மறைமுக ஆதரவளிக்க, பா.ம.க.,வினருக்கு அக்கட்சி தலைமை ரகசிய உத்தரவு பிறப்பித்துள்ளது. இடைத்தேர்தல் முடிந்ததும், அமைச்சரவையில் பா.ம.க., இடம் பெறும்; சவுமியா அமைச்சராவார் என்ற தகவலும் பரவுகிறது.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 10 )

V pravin
செப் 28, 2026 23:27

நான் பாமக என்னுடைய ஓட்டு இரட்டை இலைக்கு


ஊர்குருவி
செப் 28, 2026 19:52

எல்லாமே ஊழலில் ஊழ்ந்தவர்கள் .அவர்கள் எல்லாம் உங்கள் கட்சிக்கு வந்தவுடனே புனிதர்கள் ஆகிவிட்டார்களா ?அவர்கள் எதிர்பார்த்தபடியே அவர்கள் மீது விசாரணையோ தண்டனையோ இருக்காதா ? அப்போது உங்கள் கட்சியின் ஊழல் ஒழிப்பு கண்துடைப்புதானா ?


SUBRAMANIAN P
செப் 28, 2026 17:41

இதுவே திராவிடமாடல் என்று அழைக்கப்படுகிறது.


V GUNASEKARAN
செப் 28, 2026 17:30

மதுராந்தகத்தில் பாமகவினர் அதிமுகவிற்கு ஆதரவான நிலைப்பாட்டில்தான் உள்ளனர். குறிப்பாக, 10% இடஒதுக்கீடு விவகாரத்தில் அதிமுகவை பாமகவினர் எதிர்க்க வாய்ப்பில்லை. அதோடு, விசிக-தவெக கூட்டணி அமைந்துள்ளதால், பாமக வாக்குகள் தவெகவிற்கு செல்லும் வாய்ப்பு மிகவும் குறைவு. எனவே, மதுராந்தகத்தில் பாமக வாக்குகள் பெரும்பாலும் அதிமுகவுக்கே சாதகமாக இருக்கும் என்பது தெளிவாகத் தெரிகிறது.


xxxx
செப் 28, 2026 14:18

ஊழல்வாதிகளை நல்லவர்களா க மாற்றும் இந்தியாவின் இரண்டாம் கட்சி ...


டபுள் எக்ஸ் cjb
செப் 28, 2026 19:14

அப்போ உங்க கொங்கு கேங் தலீவர் தான் முதலில் முதலாம் கட்சியின் மூலம் வெளுக்க பட்டு புனிதர் ஆனார் அப்டின்னு ட்ரிபிள் எக்ஸ் cbe சொல்கிறார்


Ranjith Rajan
செப் 28, 2026 10:08

விஜய் முகத்தை வைத்து தான் வெற்றி பெற்றார்கள். த.வெ.க நிர்வாகிகள் ஒன்றும் உழைத்து கிழிக்கவில்லை. அதனால் விஜய்க்கு முடிவெடுக்க அதிகாரம் உண்டு. சதிகார எடப்பாடி அ.தி.மு.க கலைக்கப்படவேண்டும்.


முருகன்
செப் 28, 2026 17:27

எடப்பாடி இருப்பதால் தான் அதிமுக இன்னும் இருக்கிறது இல்லை என்றால் கதை முடிந்து பல வருடங்கள் ஆகி இருக்கும்


Govi
செப் 28, 2026 08:54

தந்தையும் மகனும் ....?


VENKATASUBRAMANIAN
செப் 28, 2026 08:12

தவெக திராவிட மாடல் 2.0


சமீபத்திய செய்தி