நகராட்சி, கொம்யூன் வாட்ச்மேன்களுக்கு இரவு நேர பணி அலவன்ஸ் அறிவிப்பு

புதுச்சேரி; நகராட்சி, கொம்யூன் பஞ்சாயத்துகளில் பணியாற்றும் வாட்ச்மேன்களுக்கு இரவு நேர பணி அலவன்ஸ் அறிவிக்கப்பட்டுள்ளது.இது குறித்து உள்ளாட்சி துறை சார்பு செயலர் ரத்னா நகராட்சி, கொம்யூன் பஞ்சாயத்துகளுக்கு பிறப்பித்துள்ள உத்தரவில் கூறியிருப்பதாவது:7வது ஊதிய குழுவின் பரிந்துரைகளின்படி நகராட்சி, கொம்யூன் பஞ்சாயத்துகளில் பணியாற்றும் வாட்ச்மேன்களுக்கு இரவு நேர பணி அலவன்ஸ் தர புதுச்சேரி அரசு உத்தரவிட்டுள்ளது. இரவு நேர பணி மணிநேர விகிதம் அடிப்படை ஊதியம் மற்றும் அகவிலைப்படி 200க்கு சமமாக இருக்க வேண்டும். இரவு நேர வெயிட்டேஜ் காரணியை கணக்கில் எடுத்துக்கொண்டு வேலை நேரம் எங்கு வந்தாலும், அதற்கு மேல் இழப்பீடு எதுவும் ஏற்கப்படாது. இரவுப் பணி என்பது 10:00 மணி முதல் 6:00 மணி வரை செய்யப்படும் கடமை என வரையறுக்கப்படும். இரவுப் பணியின் ஒவ்வொரு மணி நேரத்திற்கும் 10 நிமிடங்களுக்கு ஒரு சீரான வெயிட்டேஜ் கொடுக்கப்படும். நைட் டூட்டி அலவன்ஸ் உரிமைக்கான அடிப்படை ஊதியத்தின் உச்சவரம்பு ரூ. மாதம் 43,600. இரவுப் பணி இன்றியமையாதது என்று சம்பந்தப்பட்ட மேற்பார்வையாளரால் சான்றிதழ் வழங்கப்பட வேண்டும். இவ்வாறு சுற்றிக்கையில் கூறப்பட்டுள்ளது.