உருளையன்பேட்டையில் தி.மு.க., கருத்தரங்கம்
புதுச்சேரி: உருளையன்பேட்டை தொகுதி தி.மு.க., சார்பில் கருத்தரங்கம் நடந்தது. கருத்தரங்கில் உருளையன்பேட்டை தொகுதி பொறுப்பாளர் கோபால் தலைமை தாங்கி, கடந்த ஐந்து ஆண்டுகளில் நடந்த அநீதிகளையும், பெண்களுக்கு ஏற்பட்டுள்ள அசாதாரண சூழ்நிலைகளையும், அவர்களை முன்னேற விடாமல் தடுக்கும் பா.ஜ., - என்.ஆர்.,காங்., கூட்டணி அரசின் செயல்களை விளக்கிப் பேசினார்.மாநில மாணவரணி அமைப்பாளர் மணிமாறன், தொகுதி துணை செயலாளர் கண்ணதாசன், கவுரி, தொகுதி செயலாளர் சக்திவேல், ஆதிதிராவிடர் நலக்குழு அன்பழகன் உள்ளிட்டோர் பங்கேற்றனர். ஏற்பாடுகளை தொகுதி துணை செயலாளர் கண்ணதாசன் செய்திருந்தார்.