நவோதயா பள்ளியில் சேர விண்ணப்பிக்க கால நீட்டிப்பு

புதுச்சேரி : நவோதயாவில் 9, 11ம் வகுப்பு சேர்க்கைக்கு ஆன்லைனில் விண்ணப்பிக்க வரும் 26ம் தேதி வரை கால நீட்டிப்பு செய்யப்பட்டு உள்ளது. இதுகுறித்து காலாப்பட்டு ஜவகர் நவோதயா வித்யாலயா முதல்வர் கண்ணதாசன் வெளியிட்டுள்ள செய்திக்குறிப்பு: புதுச்சேரி காலாப்பட்டு, ஜவகர் நவோதயா வித்யாலயாவில் 9 மற்றும் 11ம் வகுப்புகளில் காலியிடங்களை நிரப்புவதற்கு நடத்தப்படும் தெரிவுநிலை தேர்வின் அடிப்படையில் சேருவதற்காக ஆன்லைன் மூலம் விண்ணப்பிக்க நேற்று (19ம் தேதி) கடைசி நாளாக அறிவிக்கப் பட்டிருந்தது. தற்போது, நிர்வாக காரணங்களுக்காக ஆன்லைன் மூலம் விண்ணப்பிக்கவும், பதிவேற்றம் செய்வதற்கான கடைசி நாள் வரும் 26ம் தேதி வரை நீட்டிக்கப்பட்டுள்ளது. இதுவரை விண்ணப்பிக்காத விண்ணப்பதாரர்களின் பெற்றோர்கள் இந்த வாய்ப்பினை தவறாமல் பயன்படுத்திக் கொள்ளுமாறு கேட்டுக் கொள்ளப்படுகிறது. மேலும், விபரங்களுக்கு https://cbseitms.nic.in/2024/nvsix/ மற்றும் https://cbseitms.nic.in/2024/nvsxi11 இணையதளங்களை அணுகவும். இவ்வாறு கூறப்பட்டுள்ளது.