காப்பீட்டுக்கழக அலுவலகத்தில் இரண்டு நாள் குறைதீர்ப்பு முகாம்

புதுச்சேரி, : புதுச்சேரி தொழிலாளர் அரசு காப்பீட்டுக்கழக மண்டல அலுவலகத்தில் இரண்டு நாட்கள் சிறப்பு குறை தீர்ப்பு முகாம் நடக்கிறது.இதுகுறித்து, துணை இயக்குனர் வெளியிட்டுள்ள செய்திகுறிப்பு:புதுச்சேரி தொழிலாளர் அரசு காப்பீட்டுக்கழக மண்டல அலுவலகத்தில் நாளை 7 மற்றும் 16ம் தேதி ஆகிய இரு நாட்களில் சிறப்பு குறை தீர்ப்பு முகாம் நடக்கிறது. முகாம், மதியம் 3:00 மணி முதல் 5:00 மணி வரை நடக்கிறது.இந்த முகாமில், தொழிலாளர்கள், பயனாளிகள், தொழில் முனைவோர்கள் தங்களுடைய இ.எஸ்.ஐ., சம்பந்தப்பட்ட கோரிக்கைகள் ஏதேனும் இருந்தால், அவற்றை கடிதத்தில் குறிப்பிட்டு, தக்க ஆவணங்களுடன், முகாமில் சமர்ப்பிக்கலாம். கோரிக்கைகள் உடனடியாக பரிசீலிக்கப்பட்டு தீர்வு காணப்படும்.இவ்வாறு துணை இயக்குனர் தெரிவித்துள்ளார்.