ஐ.எஸ்.எல்., கால்பந்து: சென்னை அணி ஏமாற்றம்

மும்பை: ஐ.எஸ்.எல்., கால்பந்து லீக் போட்டியில் ஏமாற்றிய சென்னை அணி 0-1 என மும்பையிடம் தோல்வியடைந்தது.இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. மும்பையில் நடந்த லீக் போட்டியில் சென்னை, மும்பை அணிகள் மோதின. ஆட்டத்தின் 8வது நிமிடத்தில் நிகோலாஸ் கரேலிஸ் ஒரு கோல் அடித்தார். முதல் பாதி முடிவில் மும்பை அணி 1-0 என முன்னிலையில் இருந்தது.2வது பாதியில் கடைசி நிமிடம் வரை போராடிய சென்னை அணியினரால் ஒரு கோல் கூட அடிக்க முடியவில்லை. ஆட்டநேர முடிவில் சென்னை அணி 0-1 என்ற கணக்கில் தோல்வியடைந்தது.இதுவரை விளையாடிய 13 போட்டியில், 4 வெற்றி, 3 'டிரா', 6 தோல்வி என 15 புள்ளிகளுடன் சென்னை அணி 9வது இடத்தில் உள்ளது. ஐந்தாவது வெற்றியை பதிவு செய்த மும்பை அணி (5 'டிரா', 2 தோல்வி) 20 புள்ளிகளுடன் 4வது இடத்துக்கு முன்னேறியது.