இந்திய ஜோடி ஏமாற்றம்: உலக டேபிள் டென்னிசில்

தோகா: உலக டேபிள் டென்னிஸ் கலப்பு இரட்டையர் 2வது சுற்றில் இந்தியாவின் மானுஷ், தியா ஜோடி தோல்வியடைந்தது.கத்தார் தலைநகர் தோகாவில், உலக டேபிள் டென்னிஸ் சாம்பியன்ஷிப் நடக்கிறது. இதன் கலப்பு இரட்டையர் பிரிவு 2வது சுற்றில் இந்தியாவின் மானுஷ் ஷா, தியா ஜோடி, தென் கொரியாவின் ஜுன்சங், நயோங் ஜோடியை சந்தித்தது. இதில் ஏமாற்றிய இந்திய ஜோடி 0-3 (8-11, 9-11, 2-11) என்ற கணக்கில் தோல்வியடைந்தது.ஆண்கள் ஒற்றையர் பிரிவு 2வது சுற்றில் இந்தியாவின் மானுஷ் ஷா, பிரான்சின் பெலிக்ஸ் லெப்ரூன் மோதினர். இதில் மானுஷ் 0-4 (5-11, 6-11, 6-11, 9-11) என்ற கணக்கில் தோல்வியடைந்தார்.பெண்கள் இரட்டையர் பிரிவு 2வது சுற்றில் இந்தியாவின் அய்ஹிகா, சுதிர்தா முகர்ஜி ஜோடி 0-3 (1-11, 11-13, 7-11) என்ற கணக்கில் ஜெர்மனியின் அன்னெட் காப்மேன், ஜியானா ஷான் ஜோடியிடம் தோல்வியடைந்தது.ஆண்கள் இரட்டையர் பிரிவு 2வது சுற்றில் இந்தியாவின் மானுஷ் ஷா, மானவ் தாக்கர் ஜோடி 1-3 (5-11, 9-11, 11-8, 5-11) என ஜெர்மனியின் டாங் கியூ, பெனடிக்ட் டுடா ஜோடியிடம் வீழ்ந்தது.