இந்திய பெண்கள் அணி ஏமாற்றம்: ஜூனியர் உலக கோப்பை ஹாக்கியில்
சாண்டியாகோ: ஜூனியர் உலக கோப்பை ஹாக்கி லீக் போட்டியில் ஏமாற்றிய இந்திய பெண்கள் அணி 1-3 என, ஜெர்மனியிடம் தோல்வியடைந்தது.சிலியில், பெண்களுக்கான ஜூனியர் உலக கோப்பை ஹாக்கி தொடர் நடக்கிறது. மொத்தம் 24 அணிகள், 6 பிரிவுகளாக லீக் சுற்றில் விளையாடுகின்றன. இந்திய அணி, 'சி' பிரிவில் ஜெர்மனி, அயர்லாந்து, நமீபியா அணிகளுடன் இடம் பெற்றுள்ளது.முதல் போட்டியில் நமீபியாவை வீழ்த்திய இந்தியா, 2வது போட்டியில் ஜெர்மனியை சந்தித்தது. இதில் ஏமாற்றிய இந்திய அணி 1-3 என்ற கோல் கணக்கில் தோல்வியடைந்தது. இந்திய அணிக்கு பானோ ஹினா (58வது நிமிடம்) ஆறுதல் தந்தார்.இந்திய அணி, தனது கடைசி லீக் போட்டியில் (டிச. 5) அயர்லாந்தை எதிர்கொள்கிறது.மற்றொரு 'சி' பிரிவு லீக் போட்டியில் அயர்லாந்து அணி 4-1 என்ற கோல் கணக்கில் நமீபியாவை வென்றது.