இந்தியாவிடம் வீழ்ந்தது நியூசிலாந்து: ஜூனியர் ஹாக்கியில் அசத்தல்

ஜோஹர்: சுல்தான் ஆப் ஜோஹர் கோப்பை ஹாக்கியில் இந்திய அணி 2வது வெற்றி பெற்றது. லீக் போட்டியில் 4-2 என, நியூசிலாந்தை வீழ்த்தியது.மலேசியாவில், 21 வயதுக்கு உட்பட்டோருக்கான சுல்தான் ஆப் ஜோஹர் கோப்பை ஹாக்கி 13வது சீசன் நடக்கிறது. 'நடப்பு சாம்பியன்' பிரிட்டன், இந்தியா, ஆஸ்திரேலியா உள்ளிட்ட 6 அணிகள் பங்கேற்கின்றன.லீக் போட்டியில் இந்தியா, நியூசிலாந்து அணிகள் மோதின. துவக்கத்தில் இருந்து ஆதிக்கம் செலுத்திய இந்திய அணிக்கு அர்ஷ்தீப் சிங் (2வது நிமிடம்), சுனில் (15வது), அராய்ஜீத் சிங் (26வது) தலா ஒரு கோல் அடித்து கைகொடுத்தனர். முதல் பாதி முடிவில் இந்திய அணி 3-0 என முன்னிலையில் இருந்தது.இரண்டாவது பாதியில் எழுச்சி கண்ட நியூசிலாந்து அணிக்கு கஸ் நெல்சன் (41வது நிமிடம்), ஐடன் மேக்ஸ் (52வது) தலா ஒரு கோல் அடித்து ஆறுதல் தந்தனர். இந்தியா சார்பில் ரோமன் குமார் (47வது நிமிடம்) ஒரு கோல் அடித்தார். ஆட்டநேர முடிவில் இந்திய அணி 4-2 என்ற கணக்கில் வெற்றி பெற்றது.முதல் போட்டியில் பிரிட்டனை வீழ்த்திய இந்தியா, தொடர்ந்து 2வது வெற்றியை பதிவு செய்தது.