ஹாக்கி லீக் போட்டி செயின்ட் பால்ஸ் அணி வெற்றி

சென்னை, சென்னை ஹாக்கி சங்கம் சார்பில், முதலாவது டிவிஷன் அணிகளுக்கான ஹாக்கி லீக் சாம்பியன்ஷிப் போட்டிகள், எழும்பூர், ராதாகிருஷ்ணன் ஹாக்கி மைதானத்தில் நடக்கின்றன.வேளச்சேரி கிளப், எம்.சி.சி., - அடையார் யங்கஸ்ட், இந்திரா காந்தி உள்ளிட்ட 33 அணிகள் பங்கேற்றுள்ளன. மொத்தம் எட்டு குழுவாக பிரிந்து, லீக் முறையில் வார இறுதி நாட்களில் மட்டும் மோதுகின்றன. நேற்று காலை நடந்த முதல் போட்டியில், ஹால்ஸ் கிளப் மற்றும் பிரண்ட்ஸ் கிளப் அணிகள் மோதின. இதில், 5 - 2 என்ற கோல் கணக்கில் ஹால்ஸ் கிளப் அணி வெற்றி பெற்றது.அதேபோல், ஜெய்ஹிந்த் கிளப் மற்றும் பால்ஸ் கிளப் அணிகளுக்கு இடையிலான ஆட்டம், 1 - 1 என்ற கணக்கில் டிராவில் முடிந்தது.மற்றொரு போட்டியில், செயின்ட் பால்ஸ் கிளப் மற்றும் சேப்பாக்கம் யங்கஸ்ட் கிளப் அணிகள் மோதின. விறுவிறுப்பான ஆட்டத்தில், துவக்கத்தில் இருந்தே செயின்ட் பால்ஸ் அணி ஆதிக்கம் செலுத்தியது. முடிவில், 6 - 2 என்ற கோல்கணக்கில் செயின்ட் பால்ஸ் அணி வெற்றி பெற்றது. போட்டிகள் தொடர்ந்து நடக்கின்றன.