பிளேஸ் வாலிபால் போட்டி செயின்ட் பீட்ஸ் அணி அபாரம்

சென்னை, தமிழகத்தில் முதல் முறையாக 'பிளேஸ் வாலிபால் லீக்' முதலாவது சீசன் போட்டி, சென்னையில் பல்வேறு பள்ளிகளில் நடக்கின்றன.இந்த சீசனில் செயின்ட் பீட்ஸ், செயின்ட் மேரீஸ், மான்போர்ட்டு, டான்பாஸ்கோ, ஏ.ஜே.எஸ்., - கொட்டிவாக்கம் ஒய்.எம்.சி.ஏ., - சேது பாஸ்கரா, செயின்ட் பீட்டர்ஸ் என, எட்டு அணிகள் பங்கேற்றுள்ளன.போட்டிகள், 'லீக்' முறையில், ஒவ்வொரு வாரமும் வெவ்வேறு பள்ளிகளில் நடக்கின்றன. நேற்று முன்தினம் மயிலாப்பூரில் நடந்த போட்டியில், மயிலாப்பூர் செயின்ட் பீட்ஸ் மற்றும் கொட்டிவாக்கம் ஒய்.எம்.சி.ஏ., பள்ளிகள் மோதின.அதில், 25 - 11, 25 - 18, 25 - 23 என்ற கணக்கில் செயின்ட் பள்ளி அணி வெற்றி பெற்றது.இன்றைய ஆட்டத்தில் ராயபுரம் செயின்ட் பீட்டர்ஸ் மற்றும் ஆலந்துார் ஏ.ஜே.எஸ்., நிதி பள்ளி அணிகள் மோதுகின்றன. போட்டிகள், வரும் 2025 ஜன., வரை மொத்தம் 56 நாட்கள் நடக்கின்றன.