பாஸ்போர்ட் இணையதளம் மீண்டும் செயல்பாடு
சென்னை, பராமரிப்பு பணிகள் முடிந்து, நேற்று முதல் பாஸ்போர்ட் சேவா இணையதள சேவை மீண்டும் பயன்பாட்டிற்கு வந்தது. ஆக., 29ம் தேதி முதல் செப்., 1 வரை, www.passportindia.gov.in பாஸ்போர்ட் சேவா இணையதளம் தொழில்நுட்ப பராமரிப்பு பணிகள் நடந்தன. இதனால், பாஸ்போர்ட் வழங்குவது, புதுப்பிப்பது, சந்திப்புகளுக்கான முன்பதிவு வழங்குவது மற்றும் வெளியுறவு துறைகளுடனான சேவைகள் உள்ளிட்டவை நடைபெறவில்லை. இந்நிலையில், தொழில்நுட்ப பராமரிப்பு பணிகள் முடிந்து, நேற்று காலை 6:00 மணி முதல், இணையதளம் செயல்பாட்டிற்கு வந்தது. இப்போது, பாஸ்போர்ட் இணையதளத்தின் விரைவுத்தன்மை முன்பைவிட அதிகமாகி உள்ளது.