ரயிலில் சிக்கி வாலிபர் பலி
சென்னை, பீஹார் மாநிலம், கோபால்பூர் கிராமத்தைச் சேர்ந்தவர் ராகுல்குமார், 19. கர்நாடக மாநிலம் பெங்களூருவில் கட்டட தொழிலாளியாக வேலை பார்த்து வந்தார்.விடுமுறையில் சொந்த ஊருக்கு சென்ற இவர், கவுகாத்தி -- பெங்களூரு அதிவிரைவு ரயிலில் பயணித்தார்.நேற்று, கத்திவாக்கம் - விம்கோ நகர் இடையே, இந்த ரயில் வந்தபோது, படிக்கட்டு அருகே நின்றுக் கொண்டிருந்த ராகுல், நிலை தடுமாறி விழுந்தார்.ரயிலின் சக்கரத்தில் சிக்கிய அவரின் வலது கால், கை துண்டாகி, சம்பவ இடத்திலேயே உயிரிழந்தார்.கொருக்குபேட்டை ரயில்வே போலீசார், அவரது உடலை கைப்பற்றி விசாரிக்கின்றனர்.