சென்ட்ரல் - கும்மிடிப்பூண்டி தடத்தில் 2 மின் ரயில்கள் ரத்து
சென்னை:ரயில் பாதை மேம்பாட்டு பணி காரணமாக, சென்ட்ரல் - கும்மிடிப்பூண்டி தடத்தில், இன்று முதல் 31 வரை, இரண்டு மின்சார ரயில்களின் சேவை ரத்து செய்யப்பட உள்ளது. சென்னை ரயில்வே கோட்டம் நேற்று வெளியிட்ட அறிக்கை: பொன்னேரி - கவரைப்பேட்டை ரயில் நிலையங்களுக்கு இடையே, ரயில் பாதை மேம்பாட்டு பணிகள் நடக்க உள்ளன. இதனால், சென்ட்ரல் - கும்மிடிப்பூண்டி இடையே இயக்கப்படும், இரவு 11:20 சேவை, கும்மிடிப்பூண்டி - சென்ட்ரல் இடையே இயக்கப்படும், இரவு 9:25 மணி ரயில் சேவை, இன்று முதல் 31ம் தேதி வரை ரத்து செய்யப்படும். இவ்வாறு அதில் கூறப்பட்டுள்ளது.