சென்ட்ரல் - கும்மிடிப்பூண்டி தட 9 மின்சார ரயில்கள் இன்று ரத்து

சென்னை:ரயில் பாதை மேம்பாட்டு பணி காரணமாக, சென்ட்ரல் - கும்மிடிப்பூண்டி தடத்தில் இன்று ஒன்பது ரயில்கள் ரத்து செய்யப்பட்டுள்ளன. இது குறித்து, சென்னை ரயில் கோட்டம் நேற்று வெளியிட்ட அறிக்கை: ஆந்திரா மாநிலம் தடா - சூலுார்பேட்டை ரயில் நிலையங்களுக்கு இடையே, ரயில் பாதை மேம்பாட்டு பணிகள் இன்று நடக்க உள்ளன. இதனால், சில ரயில்களின் சேவையில் மாற்றம் செய்யப்பட்டுள்ளன சென்ட்ரல் - ஆந்திரா மாநிலம் சூலுார்பேட்டை காலை 5:40, சூலுார்பேட்டை - ஆந்திரா மாநிலம் நெல்லுார் காலை 7:50, நெல்லுார் - சூலுார்பேட்டை காலை 10:20, சூலுார்பேட்டை - சென்ட்ரல் பகல் 12:35, ஆவடி - சென்ட்ரல் அதிகாலை 4:25 மணி ரயில்கள் இன்று ரத்து செய்யப்பட்டுள்ளன சென்ட்ரல் - சூலுார்பேட்டை காலை 4:15, 5:00 மணி ரயில்கள் கும்மிடிப்பூண்டி வரை மட்டுமே இயக்கப்படும் சூலுார்பேட்டை - சென்ட்ரல் காலை 6:45, கடற்கரைக்கு செல்லும் காலை 7:25 மணி ரயில்கள் கும்மிடிப்பூண்டியில் இருந்து இயக்கப்படும் இவ்வாறு அதில் கூறப்பட்டுள்ளது.