மாணவி மீது கல் வீச்சு போதை ஆசாமி கைது

வேப்பேரி:மாணவி மீது கல் வீசி மண்டை உடைத்த போதை ஆசாமியை, போலீசார் கைது செய்தனர்.கீழ்ப்பாக்கத்தைச் சேர்ந்தவர் மேஹல் ரத்துார், 28. இவர் லண்டனில் பிஎச்.டி., ஆராய்ச்சி படிப்பு படித்து வருகிறார். நேற்று முன்தினம் இரவு, அவரது தங்கையை பெங்களூரு பஸ்சில் ஏற்றிவிடுவதற்காக, வேப்பேரியில் உள்ள சென்னை போலீஸ் கமிஷனர் அலுவலகம் எதிரே நின்றுக்கொண்டிருந்தார். அப்போது அங்கு வந்த போதை ஆசாமி, திடீரென கீழே கிடந்த கல்லை எடுத்து வீசியதில், மேஹல் ரத்துார் மண்டை உடைந்தது. உடனே, கீழ்ப்பாக்கத்தில் உள்ள அப்பல்லோ மருத்துவமனையில் சிகிச்சைக்காக அனுமதிக்கப்பட்டுள்ளார். வழக்குப்பதிவு செய்த எழும்பூர் போலீசார், தாக்குதலில் ஈடுபட்ட அசாம் மாநிலத்தைச் சேர்ந்த அமீர், 35, என்பவரை, நேற்று கைது செய்தனர்.