காசிமேடில் மீன் விலை சரிவு

காசிமேடு: புரட்டாசி மாதத்தில் அசைவம் உட்கொள்வதை பெரும்பாலானோர் தவிர்ப்பதால், காசிமேடு மீன் சந்தையில் மீன் விலை குறைந்துள்ளது. காசிமேடு மீன்பிடி துறைமுக சந்தையில், ஞாயிற்றுக்கிழமையான நேற்று, கடலுக்குள் மீன்பிடிக்க சென்ற 50க்கும் மேற்பட்ட விசைப்படகுகள், கரை திரும்பின; மீன்கள் வரத்து அதிகமாக இருந்தது. அதேநேரம், புரட்டாசி மாதத்தில் அசைவம் உட்கொள்வதை பெரும்பாலானோர் தவிர்ப்பதால், மீன் வாங்க மக்கள் கூட்டமின்றி, சந்தை வெறிச்சோடியிருந்தது. இதனால், வஞ்சிரம், சீலா, சங்கரா, இறால், கடம்பா, வவ்வால் உள்ளிட்ட மீன்களின் விலை குறைந்திருந்தது. மீன் விலை நிலவரம் வகை கிலோ (ரூ.) வஞ்சிரம் 800 - 900 கறுப்பு வவ்வால் 400 - 600 வெள்ளை வவ்வால் 800 - 900 ஐவவ்வால் 900 - 1,000 பாறை 400 - 600 கடல் விரால் 400 - 450 சங்கரா 300 - 400 தும்பிலி 150 - 200 கனாங்கத்த 150 - 200 கடம்பா 200 - 250 நெத்திலி 200 - 250 வாளை 50 - 70 இறால் 200 - 300 டைகர் இறால் 900 - 1,000 நண்டு 200 - 300