முருகப்பா கோப்பை ஹாக்கி முதல் ஆட்டம் டிரா

சென்னை, எம்.சி.சி., - முருகப்பா தங்க கோப்பைக்கான ஹாக்கி போட்டியின் 95வது தொடர், எழும்பூர் மேயர் ராதாகிருஷ்ணன் மைதானத்தில் நேற்று மாலை துவங்கியது.இத்தொடரில், 'ஏ' பிரிவில் நடப்பு சாம்பியனான இந்தியன் ரயில்வே, இந்திய ராணுவம், பாரத் பெட்ரோலியம், ஹாக்கி யூனிட் ஆப் தமிழ்நாடு, மஹாராஷ்டிரா ஆகிய அணிகள் இடம் பெற்றுள்ளன. 'பி' பிரிவில் கர்நாடகா, இந்தியன் ஆயில், என்.சி.ஓ.இ., போபால், மத்திய தலைமைச் செயலகம், ஒடிசா ஹாக்கி சங்க ஆகிய அணிகள் உள்ளன. போட்டிகள் 'லீக்' மற்றும் 'நாக் - அவுட்' அடிப்படையில் நடக்கின்றன. நேற்று மாலை துவங்கிய முதல் போட்டியில், மத்திய தலைமை செயலகம் மற்றும் ஒடிசா ஹாக்கி சங்க அணிகள் எதிர்கொண்டன. முடிவில், 2 - 2 என்ற கணக்கில் ஆட்டம் டிராவில் முடிந்தது.