காய்கறி சராசரி வரத்து விலையில் மாற்றம்

கிணத்துக்கடவு: கிணத்துக்கடவு, தினசரி மார்க்கெட்டில் காய்கள் வரத்து சராசரியாகவும் விலையில் மாற்றம் ஏற்பட்டுள்ளதாக தெரிவித்தனர்.கிணத்துக்கடவு, தினசரி மார்க்கெட்டில் காய்கள் விலை மாற்றம் அடைந்தும் வரத்து சராசரியாகவும் இருந்தது என, வியாபாரிகள் தெரிவித்தனர்.மார்க்கெட்டில், தக்காளி (15 கிலோ பெட்டி) - 330, தேங்காய் - 15 (ஒன்று), கத்தரிக்காய் (கிலோ) - 43, முருங்கைக்காய் - 30, வெண்டைக்காய் - 25, முள்ளங்கி - 33, வெள்ளரிக்காய் - 23, பூசணிக்காய் - 15, அரசாணிக்காய் - 15, பாகற்காய் - 25, புடலை - 20, சுரைக்காய் - 22, பீக்கங்காய் - 25, பீட்ரூட் - 20, அவரைக்காய் - 35, பச்சை மிளகாய் - 25 ரூபாய்க்கு விற்கப்பட்டது.சென்ற வாரத்தை விட தற்போது கத்தரிக்காய் (ஒரு கிலோ) - 10 ரூபாய், முருங்கைக்காய் - 12, வெண்டைக்காய் - 5, முள்ளங்கி - 8, வெள்ளரிக்காய் - 3, சுரைக்காய் - 2 ரூபாய் விலை அதிகரித்துள்ளது. அவரைக்காய் - 25 மற்றும் பச்சை மிளகாய் - 10 ரூபாய் விலை குறைந்துள்ளது.வியாபாரிகள் கூறுகையில், 'ஓணம் பண்டிகையையொட்டி பெரும்பாலான காய்கள் விலை கணிசமாக உயர்ந்துள்ளது. மற்றும் சில காய்கள் விலையில் மாற்றம் ஏற்படவில்லை. வரும் நாட்களில் காய்கள் வரத்து உயரவும், விலையும் அதிகமாகவும் வாய்ப்புள்ளது' என்றனர்.