மாவட்ட அளவிலான கிரிக்கெட் லீக் போட்டி

கோவை:மாவட்ட அளவில் நடந்த, இரண்டாவது டிவிஷன் கிரிக்கெட் லீக் போட்டியில், ஆறுமுகம் லெவன் பேட்ரியாட்ஸ் அணி, வெற்றி பெற்றது.கோவை மாவட்ட கிரிக்கெட் சங்கம் சார்பில், 'யூனிவர்சல் ஹீட் எக்சேஞ்சர்ஸ் கோப்பை'க்கான இரண்டாவது டிவிஷன் கிரிக்கெட் லீக் போட்டி, பீளமேட்டில் உள்ள பி.எஸ்.ஜி., ஐ.எம்.எஸ்., சி., மைதானத்தில் நடந்தது. இப்போட்டியில், ஆறுமுகம் லெவன் பேட்ரியாட்ஸ் மற்றும் சர் ராபர்ட் ஸ்டேன்ஸ் பள்ளி எம்.சி.சி., அணிகள் மோதின.முதலில் பேட்டிங் செய்த சர் ராபர்ட் ஸ்டேன்ஸ் அணி, 50 ஓவர்களில், 9 விக்கெட் இழப்புக்கு, 169 ரன்களை சேர்த்தது. இந்த அணியில் அதிகபட்சமாக கமல் சிங், 36 ரன்கனை எடுத்திருந்தார். அடுத்து களம் இறங்கிய ஆறுமுகம் லெவன் பேட்ரியாட்ஸ் அணி, 35.1 ஓவர்களில், 6 விக்கெட் இழப்புகளுக்கு, 170 ரன்களைஎடுத்து, வெற்றி பெற்றது.இந்த அணியில் வசந்தகுமார் ஆட்டம் இழக்காமல், 58 ரன்களை எடுத்தார். ராஜேஷ், 33 ரன்கள் எடுத்திருந்தார். வசந்தகுமார், 4 விக்கெட்டுகளை கைப்பற்றினார்.