முதலாவது டிவிஷன் கிரிக்கெட் இ.ஏ.பி., அகாடமி அணி வெற்றி

கோவை;மாவட்ட அளவில் நடந்த முதலாவது டிவிஷன் கிரிக்கெட் லீக் போட்டியில், இ.ஏ.பி., கிரிக்கெட் அகாடமி அணி வெற்றி பெற்றது.கோவை மாவட்ட கிரிக்கெட் சங்கம் சார்பில், லட்சுமி கார்ட் கிளாத்திங் கோப்பைக்கான, முதலாவது டிவிஷன் கிரிக்கெட் லீக் போட்டி, இ.ஏ.பி., கிரிக்கெட் கிளப் மைதானத்தில் நடந்தது. இப்போட்டியில் ஜாலி ரோவர்ஸ் அணி மற்றும் இ.ஏ.பி., கிரிக்கெட் அகாடமி அணிகள் மோதின.முதலில் பேட்டிங் செய்த ஜாலி ரோவர்ஸ் அணி, 50 ஓவர்களில், 8 விக்கெட் இழப்புக்கு, 175 ரன்களை சேர்த்தது. அதிகபட்சமாக கவுசிக் 85 ரன் எடுத்திருந்தார். அடுத்து களம் இறங்கிய இ.ஏ.பி., கிரிக்கெட் அகாடமி அணி, 43.4 ஓவர்களில், 179 ரன்களை எடுத்து வெற்றி பெற்றது.இந்த அணியை சேர்ந்த, ராஜ கணபதி மற்றும் அஜய் சிங் தலா, 53 ரன்களை எடுத்திருந்தனர். அதேபோல ராகுல், 3 விக்கெட்டுகளை கைப்பற்றினார்.