வாழைத்தார் வரத்து சரிவு; செவ்வாழை விலை ஜிவ்

கிணத்துக்கடவு; கிணத்துக்கடவு தினசரி காய்கறி மார்க்கெட்டிற்கு, வாழைத்தார் வரத்து குறைந்துள்ளது.கிணத்துக்கடவு தினசரி மார்க்கெட்டில், நேற்று செவ்வாழை (கிலோ) - 70, நேந்திரன் --- 35 முதல் 40, பூவன் --- 30, கதளி --- 40, ரஸ்தாளி --- 45 மற்றும் சாம்பிராணி வகை -- 50 ரூபாய்க்கு விற்பனை ஆனது.கடந்த வாரத்தை காட்டிலும், தற்போது நேந்திரன் -கிலோவுக்கு - 10, கதளி --- 15, பூவன் மற்றும் ரஸ்தாளி வகை வாழைத்தார் - 5 ரூபாய் விலை குறைந்துள்ளது.இதே போன்று, சாம்பிராணி வகை --- 5 மற்றும் செவ்வாழை --- 10 ரூபாய் விலை அதிகரித்துள்ளது.வியாபாரிகள் கூறுகையில், 'கடந்த வாரத்தை காட்டிலும், தற்போது, வாழைத்தார்கள் வரத்து குறைவாக இருந்தது. வரும் நாட்களில் கூடுதல் வரத்து இருக்கும், விலை அதிகரிக்கும் என எதிர்பார்க்கப்படுகிறது,' என்றனர்.