சி.டி.சி.ஏ., ஆறாவது டிவிஷன் கிரிக்கெட்; ஆறு விக்கெட் வீழ்த்திய இந்தியன் வீரர்

கோவை; கோவை மாவட்ட கிரிக்கெட் சங்கம்(சி.டி.சி.ஏ.,) சார்பில் ஆறாவது டிவிஷன் போட்டி பி.எஸ்.ஜி., ஐ.எம்.எஸ்., உள்ளிட்ட மைதானங்களில் நடக்கிறது. இதில், இந்தியன் ஸ்போர்ட்ஸ் கிரிக்கெட் கிளப் அணியும், ஏ.எஸ்.பி., எண்டர்பிரைசஸ் அணியும் மோதின.முதலில் பேட்டிங் செய்த, இந்தியன் ஸ்போர்ட்ஸ் கிரிக்கெட் கிளப் அணியினர், 50 ஓவரில் எட்டு விக்கெட் இழப்புக்கு, 209 ரன்கள் எடுத்தனர். வீரர்கள் ஞானசேகர், 38 ரன்களும், மனோ பாலன், 30 ரன்களும் எடுத்தனர். எதிரணி வீரர் மணிகண்டன் மூன்று விக்கெட்கள் வீழ்த்தினார்.அடுத்து விளையாடிய ஏ.எஸ்.பி., அணியினர், 45.3 ஓவரில், 9 விக்கெட் இழப்புக்கு, 213 ரன்கள் எடுத்தனர். வீரர்கள் கோகுல்நாத், 48 ரன்களும், துவாரக பிரசாத், 46 ரன்களும், ஜீவா, 40 ரன்களும் எடுத்தனர். எதிரணி வீரர் மனோ பாலன் ஆறு விக்கெட்கள் வீழ்த்தினார். தொடர்ந்து, போட்டிகள் நடக்கின்றன.