கோவை - தன்பாத் ரயில் தாமதமாக புறப்படும்
கோவை; இன்று காலை புறப்பட வேண்டிய, கோவை - தன்பாத் ரயில் எட்டு மணி நேரம் காலதாமதமாக புறப்படும் என, ரயில்வே நிர்வாகம் அறிவித்துள்ளது.கோவை - தன்பாத்(03680) இடையே வாராந்திர சிறப்பு ரயில் இயக்கப்படுகிறது. திருப்பூர், ஈரோடு, சேலம், ஜோலார்பேட்டை வழியாக இந்த ரயில் இயக்கப்படுகிறது.இந்த ரயில், செவ்வாய் கிழமைகளில் காலை 7:50 மணிக்கு, கோவையில் இருந்து புறப்பட்டு செல்லும். இந்நிலையில் இந்த ரயிலின் இணை ரயில், காலதாமதமாக வந்து கொண்டுள்ளது. இதன் காரணமாக, கோவை - தன்பாத்(03680) வாராந்திர ரயில் எட்டு மணி நேரம், 25 நிமிடங்கள் காலதாமதமாக மாலை 4:15 மணிக்கு புறப்படும் என அறிவிக்கப்பட்டுள்ளது.